Натуральныя ўгнаенні для пакаёвых раслін

1. Падкормка бананамі. Бананавыя скуркі дробна наразаюць і высушваюць. Пры перасадцы раслін насыпаюць слоем або проста змешваюць з глебай. Можна высушаныя скуркі здрабніць у кавамолцы. Атрымліваецца цёмна-карычневы парашок, які падсыпаюць перад палівам у гаршчок з раслінай альбо разводзяць з вадой і выкарыстоўваюць у якасці вадкай падкормкі. Такая бананавая падкормка падыходзіць для раслін, якія цвітуць.

2. Падкормка цукрам. 1 чайную лыжку цукру раўнамерна насыпаюць на паверхню зямлі перад палівам або разводзяць 2 чайныя лыжкі цукру на шклянку вады. Такую падкормку праводзяць раз на тыдзень.

3. Зубны парашок. Часта бывае, што пакаёвыя расліны стаяць з паніклымі лісточкамі. Праблема ў каранёвай сістэме. Каранёвыя гнілі з'яўляюцца ад паліву халоднай вадой, ад скразнякоў, што часта можа здарыцца ў халодны час года. На дапамогу прыйдзе зубны парашок. На паўшклянкі вады спатрэбіцца 2 сталовыя лыжкі зубнога парашку, 1 сталовая лыжка меднага купарвасу, 2 сталовыя лыжкі драўнянага попелу. Усё старанна размешваем. Адграбіце зямлю ля карэньчыка і намачыце сцяблінку растворам. Пасля гэтага спыніце палівы на тыдзень і перастаўце расліну ў сухое месца. Пакаёвыя кветкі не любяць кіслую глебу. Час ад часу добра б іх падкарміць зубной пастай. На 1 літр вады траціна цюбіка зубной пасты. Добра размяшчайце, паліваць расліны цёплай вадой. Такая падкормка найбольш эфектыўная для кветак. Кальцый паступіць у глебу і падсілкуе карані.

4. Бульбяны адвар. Расліны любяць крухмал. Калі вы варылі бульбу, раствор зліце і астудзіце, а затым можна ім паліць пакаёвыя расліны. Крухмал у раслінах выконвае запасную функцыю, гэта запас энергіі раслін на неспрыяльны перыяд часу. Расліны паводзяць сябе гэтак жа, як і людзі — усё для дзяцей. Крухмал назапашваецца ў клубнях, насенні, цыбулінах, пладах (няспелых), гэта значыць, у органах, адказных за размнажэнне раслін.

5. Кава. Дабаўце выкарыстаную кававую гушчу ў зямлю для пакаёвых раслін. Яна змяшчае шмат азоту, а расліны яго вельмі любяць. Лепш не заліваць расліну занадта моцна пасля дабаўлення кавы, каб азот размяркоўваўся раўнамерна. Акрамя гэтага, кава робіць глебу больш рыхлай.

Ірына ТАМКОВІЧ