У вёсцы Лука Столінскага раёна захавалася традыцыя стварэння брацкай свечкі. Жыхары вёскі напярэдадні Каляд збіраюцца разам, каб стварыць вялізныя свечкі, якія пасля ўстанаўліваюць у царкве.
Спачатку ў вёсцы збіраюцца грошы на набыццё воску, едуць па гэты воск да пчаляроў, а пасля вернікі пад спевы калядных песень ствараюць свечку. Людзі вераць, што пакуль яна гарыць, — іх просьбы будуць пачуты Богам. А пасля свечку ўстанаўліваюць у Гараднянскай царкве, дзе яна будзе гарэць на працягу года.
Два гады таму майстры сталі героямі дакументальнага фільма «Брацкая свяча». Фільм можна свабодна паглядзець у інтэрнэце.
Такая ж свечка 13 студзеня была зроблена і ў Столінскім гарадскім Доме культуры на фестывалі «Калядная радасць», на якім была арганізавана выстава-продаж работ сацыяльных устаноў, майстар-класы, канцэрты, служэнне, а самым яркім момантам фестывалю стаў выраб брацкай свечкі.
Мужчыны нажамі і сякеркамі секлі «пірагі» воску, тапілі яго ў гарачай вадзе і «выпарвалі» над агнём, разміналі рукамі, а пасля васковымі косамі апляталі падвешаны кнот. Усё хутка, зладжана. Гэтак жа хуценька свечка здымаецца, і яе пачынаюць катаць: напачатку рукамі, а пасля і дошкай. Невялікія трэшчыны замазваюцца кавалачкам воску. І вось яна гатова. Пад позіркамі шматлікіх гледачоў яе выносяць да іконы Манефы Гомельскай. Свечку асвяціў айцец Сергій Платніцкі. Яна будзе ўстаноўлена ў капліцы (што плануюць пабудаваць у бліжэйшы час) гэтай святой у Століне. А пакуль свечка захоўваецца ў царкве вёскі Адвержычы.
Таццяна СЕГЕН. Фота аўтара.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.