У ноч з пятніцы на суботу на незамерзлай палонцы вадасховішча Крыніца быў забіты лебедзь. Пра гэта паведаміў мінскі арнітолаг Іван Багдановіч, які ў суботнюю раніцу прыехаў на вадасховішча кальцаваць птушак.
Арнітолаг убачыў на беразе побач з палонкай кроплі крыві. Пазней версію браканьерства пацвердзілі і жыхары пасёлка Ждановічы, якія напярэдадні ўвечары бачылі ў палонцы 58 лебедзяў, раніцай жа налічылі толькі 57 птушак.
Мы ўжо паведамлялі, што з надыходам моцных маразоў калонія мінскіх лебедзяў знайшла прытулак на ўскраіне пасёлка Ждановічы Мінскага раёна. Але, як сведчыць варварскі выпадак, нават палонка не можа гарантаваць птушкам поўнай бяспекі. Нягледзячы на тое, што кожны дзень птушкам прывозяць дастатковую колькасць корму, лебедзі, тым не менш, дастаткова блізка падплываюць да берага і могуць браць корм з рук. Магчыма, даверлівая неабачлівасць і каштавала жыцця аднаму з гэтай лебядзінай чарады. Браканьер мог выкарыстаць таксама вуду з нанізаным на кручок ласункам.
Нарэшце маразы пайшлі на спад, але неабыякавыя да лёсу птушак жыхары Мінска і Ждановіч па-ранейшаму прывозяць да палонкі на Крыніцы корм. Жыхар мікрараёна Уручча Пётр Кулінковіч штодня дастаўляе сюды па 2-3 мяхі ячменю — больш за 70 кіло. Летась ён сачыў, каб палонка не звужалася, абсякаў лёд. Работнікі сталічнага ўнітарнага прадпрыемства «Лесапаркавая гаспадарка» штодня (а то і двойчы на дзень) прывозяць па 100-150 кілаграмаў зерня ячменю. Браты Мікалай і Уладзімір Верыны, якія працуюць у гэтай гаспадарцы болей за 10 гадоў і адказныя за кармленне птушак у халодны час, кажуць, што ўпершыню сустракаюцца з выпадкам браканьерства ў дачыненні лебедзяў.
Анатоль Кляшчук. Фота аўтара.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!