Акцыя «Студэнцтва сустракае чэмпіянат», прымеркаваная да чэмпіянату свету па хакеі, стартавала ў вышэйшых навучальных установах.
Унікальнае па сваіх маштабах спартыўнае мерапрыемства прыцягне ўвагу не толькі айчынных аматараў хакея, але і мноства замежных хакейных балельшчыкаў, якія наведаюць Мінск. Студэнцкая моладзь будзе задзейнічана ў суправаджэнні дэлегацый, рабоце ў гасцініцах і непасрэдна ў месцах правядзення спартыўных мерапрыемстваў.
У рамках акцыі «Студэнцтва сустракае чэмпіянат» прадугледжана стварэнне відэаролікаў аб спартыўным жыцці ВНУ для іх дэманстрацыі падчас чэмпіянату ў фанзонах інтэрнатаў у Студэнцкай вёсцы. Нагадаем, што Студэнцкая вёска будзе задзейнічана для размяшчэння гасцей чэмпіянату. Таксама запланаваны цыкл сустрэч студэнтаў з ветэранамі беларускага хакея, прадстаўнікамі хакейных клубаў, студэнтамі-хакеістамі, бліц-апытанні і флэшмобы «ЗараDка з зоркай», мерапрыемствы на спартыўную тэматыку з запрашэннем беларускіх спартсменаў, міжуніверсітэцкія інтэлектуальныя гульні на хакейную тэматыку. А студэнтаў, якія захапляюцца фатаграфаваннем, запрашаюць паўдзельнічаць у першым этапе рэспубліканскага конкурсу на лепшую фотаработу «Моладзь выбірае спорт!». Пераможцам абяцаюць бясплатныя білеты на хакейныя матчы чэмпіянату свету з удзелам беларускай каманды.
Надзея НІКАЛАЕВА.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.