Кажуць, што ад бессані дапамагае цёплае малако, настой рамонку з мёдам, чарка бурбону і брэндзі. Wаshіngtоn Роst даследавала пытанне з навуковага пункту гледжання. Для пачатку трэба выключыць з рацыёну ежу і напоі, якія перашкаджаюць заснуць, рэкамендуе Майкл Грэнднэр з Пенсільванскага ўніверсітэта. У прыватнасці, усе тыя, што змяшчаюць кафеін. Варта пазбягаць і спіртнога. Магчыма, яно палягчае засынанне, але сон будзе не вельмі глыбокім. Вучоны таксама раіць пазбягаць нікаціну, вялікіх порцый і вострых страў за вячэрай. Больш складаная сітуацыя з выбарам страў, якія дапамагаюць заснуць. Напрыклад, мяса індычкі змяшчае трыптафан — адну з «цаглінак» сератаніну. Але сератанін не толькі ўсыпляе, але і выконвае шэраг іншых функцый у мозгу. І каб трыптафан з індычкі прынёс эфект, трэба з'есці паўкіло індычыны за адзін прысест. Затое адрэгуляваць рытмы сну дапаможа ежа, багатая на мелатанін. Калі вы «сава», але вымушаны ўставаць а 7-й раніцы, ешце за вячэрай, напрыклад, вішні. Навукоўцы адзначаюць, што малыя дозы мелатаніна (1,5-3 мг) дзейнічаюць лепш, чым вялікія. Малако — крыніца кальцыю, арэхі і зерне — магнію, суп місо, рыба і ёгурт змяшчаюць вітаміны групы B. Усе гэтыя рэчывы таксама важныя для рэгулявання сну.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.