Нікас Сафронаў выставіць на аўкцыёне ў Мінску партрэт Мулявіна

Буйны аўкцыён па продажы карцін расійскага мастака Нікас Сафронава адбудзецца 5 мая ў Мінску, паведамляе БЕЛТА.

Аўкцыён такога маштабу пройдзе ў Беларусі ўпершыню. На гандаль будзе выстаўлена больш за 20 карцін. Сярод іх працы, выкананыя ў тэхніцы dream vision. За распрацоўку гэтага кірунку , які балансуе на мяжы імпрэсіянізму, экспрэсіянізму і рэалізму, Нікас Сафронаў трапіў у Кнігу рэкордаў Гінэса.

У тым ліку на аўкцыёне плануецца прадаць партрэт заснавальніка ансамбля "Песняры" народнага артыста СССР Уладзіміра Мулявіна. Карціна напісана ў 2014 годзе і ўяўляе каштоўнасць як успамін пра таленавітага музыканта. З малатка таксама сыдуць некалькі сюррэалістычных палотнаў.