Галоўнае — захоўваць мір і спакой на беларускай зямлі.
У светлае свята Вялікадня, якое сёлета ў адзін дзень адзначалі хрысціяне ўсіх канфесій, у праваслаўных і каталіцкіх храмах краіны ўдзел у святочных набажэнствах прынялі больш за 477 тысяч чалавек. Прэзідэнт Аляксандр Лукашэнка наведаў у гэты дзень мінскі Свята-Духаў кафедральны сабор.
Як адзначыў кіраўнік дзяржавы, на Вялікдзень ён, як правіла, наведвае невялікія цэрквы ў рэгіёнах Беларусі, перш за ўсё пацярпелых ад чарнобыльскай катастрофы. Але сёлета Прэзідэнт парушыў традыцыю, «каб у гэтае першае для нас светлае свята Пасхі з новым Патрыяршым Экзархам усяе Беларусі прысутнічаць у гэтыя хвіліны ўрачыстасці з нашымі людзьмі».
Аляксандр Лукашэнка падкрэсліў, што нават у часы ганення на царкву «ў нас людзі заўсёды ведалі сваю дарогу да свайго храма. Напэўна, таму наша зямля і называецца Белай Руссю — чыстай, добрай».
«Відаць, дзякуючы Госпаду да гэтага часу самыя страшныя ліхалецці абыходзяць нас бокам, калі не лічыць той катастрофы сярэдзіны мінулага стагоддзя, калі нам, усім добрым людзям, давялося змагацца за сваю незалежнасць, за тое, каб жыць на гэтай зямлі. І мы тады не проста адстаялі сваю зямлю, імя якой Беларусь, страціўшы трэцюю частку свайго насельніцтва, — мы выратавалі чалавецтва ад карычневай чумы», — падкрэсліў беларускі лідар, адзначыўшы асаблівую актуальнасць гэтага факта ў год юбілею вызвалення Беларусі ад нямецка-фашысцкіх захопнікаў.
Аляксандр Лукашэнка выказаў шкадаванне ў сувязі з тым, што чалавецтва так і не зрабіла высноў са страшных падзей таго часу. «На жаль, мы з кожным годам губляем асновы нашай духоўнасці, забываемся пра тое, што нельга забываць. Сведчаннем таму з'яўляюцца цяжкія падзеі ў нашых братоў ва Украіне, — адзначыў Прэзідэнт, дадаўшы: — Мы, вядома, будзем рабіць усё для таго, каб Украіна жыла спакойна».
Прэзідэнт нагадаў, што яшчэ год таму шмат гаварылася пра так званую арабскую вясну, пра Сірыю, дзе ідзе вайна. «Я тады вам гаварыў у Пасланні беларускаму народу: не думайце, што гэта так далёка ад нас, свет сёння настолькі цесны, што казаць пра тое, што гэта далёка, непрымальна. Глядзіце, як атрымалася: гэта ўжо (падзеі ва Украіне. — Заўвага БЕЛТА.
) нават не ля нашага парога, гэта ўжо ў нас», — адзначыў Аляксандр Лукашэнка
«Я гэта кажу для таго, каб вы яшчэ раз засвоілі вялікую ісціну: няма на свеце нічога даражэйшага за мір і спакой. Толькі тады мы можам спакойна жыць, ладзіць сваё жыццё і маліцца», — сказаў Прэзідэнт.
Аляксандр Лукашэнка таксама заклікаў памятаць, што сёння на падмурку Святой Русі існуе ядро з трох дзяржаў, якія з'яўляюцца асновай, у тым ліку, і праваслаўнай веры. Гаворачы пра Беларусь, Прэзідэнт падкрэсліў, што гэтая зямля заўсёды будзе належаць грамадзянам краіны, не толькі беларусам, але і рускім, яўрэям, палякам, украінцам — усім, хто на ёй жыве. «Мы ніколі не дапусцім, каб з гэтай святой зямлі зыходзіла пагроза перш за ўсё нашым суседзям і іншым народам свету. Мы павінны падараваны Госпадам Богам імідж нашага народа як самых добрых, светлых і святых людзей пранесці праз сваё жыццё. Мы гэта павінны памятаць заўсёды. Таму мір і спакой — галоўнае, што мы павінны сёння захаваць, гэта галоўнае, за што мы павінны змагацца. Наша дзяржаўнасць непахісная, і ўсялякія размовы пра тое, што мы заўтра ўвойдзем у нейкія дзяржавы, для Беларусі непрымальныя», — падкрэсліў кіраўнік дзяржавы.
Аляксандр Лукашэнка павіншаваў увесь беларускі народ і служыцеляў царквы са святам Вялікадня, падкрэсліўшы, што ў Беларусі няма міжканфесійнай або міжнацыянальнай варожасці. Асобна цёплыя словы Аляксандр Лукашэнка адрасаваў ганароваму Патрыяршаму Экзарху ўсяе Беларусі Мітрапаліту Філарэту, які па стане здароўя не змог прысутнічаць у храме.
У саборы Аляксандр Лукашэнка папрысутнічаў на велікодным набажэнстве і запаліў свечку ля Мінскай іконы Божай Маці, абмяняўся з Мітрапалітам Паўлам падарункамі з нагоды гэтага светлага свята. Перададзенае ў дар Прэзідэнтам Беларусі велікоднае яйка створана ва ўнікальнай тэхніцы сожскай скані. Усярэдзіне сферы размешчана мініяцюрная выява букета кветак, па баках — два разныя медальёны з выявамі святых Пятра і Паўла. Вянчае яйка разны крыж.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.