Установы вышэйшай і сярэдняй спецыяльнай адукацыі самастойна і ў адпаведнасці з заканадаўствам вызначаюць кошт навучання на 2014–2015 навучальны год для студэнтаў 1‑га курса і змяняюць кошт навучання для астатніх студэнтаў на падставе дагавораў аб падрыхтоўцы спецыяліста на платнай аснове, паведаміла БЕЛТА прэс-сакратар Міністэрства адукацыі Юлія Ваніна.
Да моманту падпісання дагавораў на навучанне ўсе навучальныя ўстановы павінны вызначыцца з цэнамі. Некаторыя з іх ужо назвалі кошт навучання. Так, для студэнтаў 1‑га курса ў БДУІР навучанне будзе каштаваць ад Br20 млн за год на факультэце камп'ютарных сістэм і сетак да крыху больш як Br6 млн за год на завочным аддзяленні. У БДЭУ цэны вар'іруюцца ад Br5 млн да Br17 млн у год. Студэнты Акадэміі кіравання пры Прэзідэнце заплацяць за навучанне ад крыху больш як Br7 млн да Br18 млн за год. Улічваючы сацыяльную значнасць паслугі па падрыхтоўцы спецыяліста на платнай аснове, кіраўнікі ВНУ і ССНУ на падставе заяў грамадзян па магчымасці могуць спаганяць плату за навучанне з адтэрміноўкай або растэрміноўкай плацяжу. «Пры гэтым усе кіраўнікі нясуць персанальную адказнасць за неабгрунтаванае павышэнне кошту навучання», — адзначыла прэс-сакратар Мінадукацыі.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.