Ёсць некалькі няхітрых спосабаў палепшыць самаадчуванне ў спякотнае надвор'е. Паводле слоў урача-метадыста 3-й гарадской дзіцячай клінічнай паліклінікі г. Мінска Галіны САФРОНАВАЙ, калі мы дома, у першую чаргу трэба паклапаціцца аб тым, каб на тых вокнах, куды цягам дня трапляюць сонечныя промні, аказаліся шторы ці жалюзі. Можна заклеіць шкло сонцаахоўнай плёнкай.
1. Ідэальна будзе праветрываць пакоі раніцай, познім вечарам і ноччу. Гэта сапраўды ахалоджвае памяшканне. Аднак будзьце асцярожнымі са скразнякамі, якія могуць стаць прычынай запалення мышцаў шыі, спіны, плечавога пояса.
2. Самы просты спосаб ахаладзіцца — выпіць халаднаватай вады, з лёдам і лімонам, лісцем мяты. Добра спатольвае смагу зялёны чай. Каб не пераахаладзіць горла, халодныя напоі трэба заўсёды піць невялікімі глыткамі. На піку спёкі галаву і шыю можна абгарнуць мокрым рушніком.
3. Рэгулярна прымайце цёплы або халаднаваты душ, які зніжае тэмпературу цела і ўвільгатняе скуру.
4. Добра зніжае тэмпературу ў памяшканні вентылятар. Варта прыбраць дываны, часцей рабіць вільготную прыборку.
5. Пастаўце ў пакоях ёмістасці з вадой — паветра будзе ахалоджвацца за кошт выпарвання вады.
6. Самыя неабходныя справы, асабліва звязаныя з фізічнай нагрузкай, рабіце раніцай або ўвечары. У самую спёку адпачывайце.
7. Перагледзьце рацыён харчавання. Менш ужывайце тлустай і салёнай ежы, аддайце перавагу агародніне, садавіне, халодным закускам і супам.
8. Адзенне павінна быць свабодным, з натуральных тканін.
Святлана БАРЫСЕНКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
