Як сведчыць досвед апошніх прыёмных кампаній у Акадэміі кіравання пры Прэзідэнце Рэспублікі Беларусь, колькасць ахвотных атрымаць другую вышэйшую кіраўніцкую адукацыю ў нашай краіне застаецца стабільна высокай.
OLYMPUS DIGITAL CAMERA
Так, у 2009 годзе на 240 месцаў па дзвюх спецыяльнасцях «Дзяржаўнае кіраванне і права» і «Дзяржаўнае кіраванне і эканоміка» было пададзена 722 заявы. У 2010 годзе атрымліваць у акадэміі другую і наступную вышэйшую адукацыі пажадалі 748 чалавек. У 2011 годзе было пададзена 809 заяў на 500 месцаў, у 2012 годзе — 869 заяў на 560 месцаў і ў 2013 годзе — 1220 заяў на 720 месцаў.
Па звестках прэс-службы Акадэміі кіравання, сёлета свае дакументы для атрымання другой і наступнай вышэйшай адукацыі падалі 1 614 чалавек. План набору складаў 390 месцаў па спецыяльнасці «Дзяржаўнае кіраванне і права» і 380 месцаў па спецыяльнасці «Дзяржаўнае кіраванне і эканоміка».
Даследаванні, праведзеныя ў Акадэміі кіравання, дазволілі высветліць, што на імкненне дарослых людзей працягнуць навучанне ўплывае шэраг фактараў. Такіх, напрыклад, як жаданне прасунуцца па кар'ернай лесвіцы, перспектыва атрымліваць высокую заработную плату, цяга да новых ведаў, набыццё карысных сувязяў, расчараванне ў атрыманай раней спецыяльнасці, рашэнне канкрэтных праблем бізнесу. Да атрымання новай вышэйшай адукацыі імкнуцца тыя, хто вырашыў кардынальна змяніць сферу сваёй дзейнасці, магчыма, нават прафесію, і яму патрабуюцца новыя ўменні і навыкі. Да таго ж спецыялістам, якія атрымалі дзве вышэйшыя адукацыі, намнога прасцей канкурыраваць з астатнімі прэтэндэнтамі на высокааплатныя пасады і прэстыжныя вакансіі. Як сведчыць праведзенае сярод выпускнікоў акадэміі апытанне, са сцвярджэннем «Калі б прыйшлося наноў прымаць рашэнне аб атрыманні другой вышэйшай адукацыі, то я зноў прыняў бы станоўчае рашэнне» пагадзіліся 91% апытаных. І гэта нягледзячы на цяжкасці, якія суправаджаюць атрыманне другой вышэйшай адукацыі: неабходнасць спалучаць работу і вучобу, дэфіцыт часу для сям'і і зносін з сябрамі і гэтак далей.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.