Сістэму адукацыі краіны плануецца сур'ёзна прааналізаваць
Аб гэтым кіраўнік дзяржавы Аляксандр Лукашэнка заявіў учора, прымаючы з дакладам міністра адукацыі Сяргея Маскевіча і першага намесніка кіраўніка Адміністрацыі Прэзідэнта Аляксандра Радзькова, перадае карэспандэнт БЕЛТА.
Кіраўнік дзяржавы даручыў падрыхтаваць спецыяльную нараду, на якой будуць прадметна разгледжаны прынцыповыя пытанні сферы адукацыі, прааналізаваны яе цяперашні стан і вызначана стратэгія развіцця на бліжэйшую перспектыву. «Мы вельмі сур'ёзна паглядзім на сістэму адукацыі — так, як мы рабілі ў сельскай гаспадарцы, будаўніцтве, жыллёва-камунальнай сферы. Трэба паглядзець на сістэму адукацыі з улікам нашага вопыту: што атрымалася, што не, што трэба зрабіць, паправіць», — сказаў Прэзідэнт.
Разам з тым Аляксандр Лукашэнка падкрэсліў, што ў Беларусі створана нармальная сістэма адукацыі, і размова ідзе толькі аб яе ўдасканаленні, а не аб карэнных рэформах. «Рэформамі займацца даволі. Але тым не менш жыццё ідзе, узнікаюць новыя працэсы і тэндэнцыі, і сістэма адукацыі не можа быць застылай. Удасканальваць яе так ці інакш нам давядзецца», — сказаў кіраўнік дзяржавы.
Аляксандр Лукашэнка пацікавіўся вынікамі праведзенай у Беларусі ўступнай кампаніі і аналізам вопыту прымянення цэнтралізаванага тэсціравання. Кіраўнік дзяржавы даручыў яшчэ раз вывучыць гэта пытанне з пункту гледжання зместу тэставых матэрыялаў, іх актуалізацыі і забеспячэння высокай якасці.
Яшчэ адной тэмай рабочай сустрэчы стала падрыхтоўка ўстаноў адукацыі да новага навучальнага года.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!