Новыя прозвішчы неўзабаве з'явяцца на помніку палеглым пры абароне і вызваленні быхаўскай вёскі Абідавічы.
Нядаўна тут перапахавалі астанкі 15 чырвонаармейцаў, якія загінулі ў першы месяц Вялікай Айчыннай вайны. Яны былі знойдзены пошукавікамі магілёўскага атрада «ВІККРУ» і 52-га асобнага спецыялізаванага батальёна Мінабароны падчас вахты памяці. Толькі ў трох з гэтых байцоў аказаліся смяротныя медальёны. Па іх устанавілі, што ўсе яны родам з Украіны.
— Іх родным былі накіраваны электронныя лісты з прапановай нешта паведаміць пра салдат, — распавёў кіраўнік вайскова-пошукавага атрада «ВІККРУ» Мікалай Барысенка. — На дваіх з загінулых мы атрымалі фота. Зрабілі фотакалажы, якія збіраліся перадаць сваякам, але тыя, на жаль, не прыехалі. Таму мы вырашылі пакінуць іх у нашым музеі.
Як адзначыў пошукавік, усе тры чырвонаармейцы былі радавымі, адзін з іх — кулямётчык. На той момант, калі іх напаткала смерць, старэйшаму споўнілася 30 гадоў. Пакуль дакладна невядома, у якой дывізіі яны ваявалі. У ліпені 41-га Дняпроўскі рубеж паміж Быхавам і Рагачовам абаранялі 187-я Чарнігаўская стралковая дывізія і 102-я Палтаўская.
Нэлі ЗІГУЛЯ.
Фота з архіва атрада «ВІККРУ».
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.