У Мінску разглядаецца пытанне аб размяшчэнні ўбудаваных устаноў дашкольнай адукацыі на першых паверхах пры ўзвядзенні жылых будынкаў у мікрараёнах-новабудоўлях, а таксама адкрыццё сямейных дзіцячых садкоў, гасразліковых груп і прыватных дашкольных устаноў. Падобная ідэя прагучала падчас абмеркавання пытанняў забяспечанасці месцамі ва ўстановах дашкольнай і агульнай сярэдняй адукацыі Фрунзенскага раёна Мінска з удзелам намесніка прэм'ер-міністра Анатоля Тозіка, паведамляе прэс-служба Саўміна.
На сустрэчы былі разгледжаны механізмы забяспечанасці месцамі дзяцей ва ўстановах дашкольнай і агульнай сярэдняй адукацыі Фрунзенскага раёна і горада ў цэлым як за кошт будаўніцтва новых устаноў адукацыі, так і аптымізацыі плошчаў у дзеючых установах адукацыі.
Паводле інфармацыі Мінгарвыканкама, сёлета ў горадзе плануецца ўвядзенне ў эксплуатацыю дзвюх дашкольных устаноў і адной школы ў мікрараёнах Каменная Горка‑1 і Каменная Горка‑4. Паводле інвестыцыйнай праграмы Мінска, на 2015 год у Фрунзенскім раёне запланавана будаўніцтва яшчэ дзвюх школ і пяці дашкольных устаноў у новых мікрараёнах. Кіраўніцтва сталіцы разлічвае, што гэтыя мерапрыемствы дазволяць стварыць новыя месцы ва ўстановах дашкольнай адукацыі і вырашыць праблему пераўкамплектаванасці ўстаноў адукацыі ў раёнах-новабудоўлях.
Сяргей КУРКАЧ.
Мерапрыемства праводзіцца на добраахвотнай аснове.
Не выявіць ні секунды абыякавасці.