Напрыканцы жніўня пачынаецца чарговы цыкл заняткаў у межах духоўна-асветніцкага праекта «Школа бацькоўства», арганізатарам якога з'яўляецца міжнародны дабрачынны фонд «Сям'я — Яднанне — Айчына».
«Праект накіраваны на пераадоленне крызісу інстытута сям'і і сцвярджэнне традыцыйных сямейных каштоўнасцяў, — падкрэслівае кіраўнік школы, дацэнт БДУ, кандыдат тэхнічных навук Сяргей Кірпіч. — Таму ўдзел у ім можа ўзяць кожны з бацькоў, хто жадае і гатовы вучыцца, аналізаваць уласныя паводзіны і знаходзіць адказы на жыццёва важныя для яго сям'і пытанні».
На занятках, якія праходзяць у адвольнай форме абмеркавання, «навучэнцы» — маладыя і ўжо вопытныя бацькі, а таксама маці, бабулі і дзядулі разглядаюць як вопыт мінулых пакаленняў, так і выклікі сучаснасці, з якімі ў той ці іншай ступені сустракаецца практычна кожная сям'я. Як бацьку ўсвядоміць сваё бацькоўства — ад пачуцця адказнасці да гонару за яго — і заняць годнае месца ў сям'і? З чаго пачаць? Як ствараецца і чым утрымліваецца бацькоўскі аўтарытэт? Якія навыкі і ўстаноўкі тату варта развіваць, а якія — крытычна ацэньваць? Адказы на гэтыя і многія іншыя пытанні ўдзельнікі праекта «Школа бацькоўства» шукаюць разам, выказваючы свой погляд на пэўную праблему і прыслухоўваючыся да іншых меркаванняў.
Больш падрабязна пра тэмы, фармат і расклад заняткаў можна даведацца на сайце
www.edіnenіe.by.
Вікторыя ЗАХАРАВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».