Школьная акадэмія кіравання адкрыецца ў пачатку новага навучальнага года ў сярэдняй школе нумар 61 Мінска. Аб гэтым карэспандэнту БЕЛТА паведаміў дырэктар прэс-цэнтра Акадэміі кіравання пры Прэзідэнце Беларусі Юрый Зайцаў.
"Задача школьнай акадэміі - выявіць найбольш здольных і таленавітых вучняў. Неабходна рэалізаваць інтэлектуальныя і творчыя здольнасці моладзі, развіць у школьнікаў камунікатыўныя навыкі і лідарскія якасці, а таксама сфарміраваць актыўную грамадзянскую пазіцыю", - сказаў Юрый Зайцаў.
У ВНУ адзначылі, што Акадэмія кіравання пры Прэзідэнце Беларусі зацікаўлена, каб у ёй навучалася падрыхтаваная моладзь - тыя, хто сапраўды разумее прэстыж і адказнасць кіраўніцкай дзейнасці. А стварэнне школьнай акадэміі - важны элемент сістэмы адукацыі.
Заняткі будуць мець факультатыўны характар. У першую чаргу ўпор зробяць на гісторыю, грамадазнаўства, сферу інфармацыйных тэхналогій, а таксама англійскую мову. Вялікая ўвага будзе ўдзелена падрыхтоўцы да цэнтралізаванага тэсціравання, паколькі навучанне ў школьнай акадэміі арыентавана на старшакласнікаў.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.