Беларускія скакуны ў ваду заваявалі «серабро» чэмпіянату Еўропы ў Берліне
Дуэт Вадзім Каптур і Яўген Каралёў стаў другім у сінхронных скачках у ваду з вышкі. Беларусы ў фінале атрымалі ад суддзяў ацэнку 421,80 бала.
«Золата» дасталася нямецкаму дуэту ў складзе Патрыка Хаўсдынга і Сашы Кляйна — 461,46 бала. «Бронзу» заваявалі ўкраінцы Аляксандр Бондар і Максім Далгоў — 415,17.
Вадзім Каптур і Яўген Каралёў выступаюць у дуэце ў сінхронных скачках усяго другі год. На чэмпіянаце свету 2013 года ў Барселоне яны занялі 12-е месца, а на папярэднім чэмпіянаце Еўропы ў нямецкім Растоку былі шостымі.
Сярэбраная ўзнагарода стала другой у актыве беларускіх майстроў водных відаў спорту на цяперашнім чэмпіянаце Еўропы. Першы медаль заваяваў плывец Яўген Цуркін, які стаў чэмпіёнам кантынента ў плаванні батэрфляем на дыстанцыі 50 м.
Дар'я Лабажэвіч
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.