Сёння ў Мінску пачынае сваю работу дэлегацыя журналістаў сусветна вядомага інфармацыйнага агенцтва Сіньхуа (Кітайская Народная Рэспубліка).
Беларуская сталіца — чарговая кропка, чарговы адрас у межах шырокамасштабнага міжнароднага прэс-тура "Новы шаўковы шлях — новая мара". Творчы і турыстычна-экскурсійны праект стартаваў у старажытнай сталіцы Кітая — горадзе Сіянь. За дваццаць адзін дзень падарожжа журналісты праехалі больш за 6000 кіламетраў і наведалі правінцыі Шэньсі, Ганьсу, а таксама Нінся-Хуэйскі і Сіньцзян-Уйгурскі аўтаномныя раёны. Гэта — у сябе на радзіме. Працягам сталі адрасы міжнароднага падарожжа. Найперш — порт Харгос на мяжы паміж Кітаем і Казахстанам. На працягу трыццаці дзён журналісты запланавалі наведаць Казахстан, Расію, Беларусь, Польшчу, Германію. Па дарозе ўдзельнікі прэс-тура наведаюць найбольш цікавыя мясцовыя прадпрыемствы, возьмуць інтэрв'ю ў знакамітых дзеячаў культуры, палітыкаў, высокіх дзяржаўных чыноўнікаў.
Першым прыпынкам на беларускай зямлі для кітайскіх гасцей стане мінская гасцініца "Пекін", якая з'яўляецца новым унікальным прыкладам беларуска-кітайскага супрацоўніцтва ў галіне гасціннасці. Гэты сучасны гасцінічны комплекс бізнес-класа паспеў стаць сапраўднай вяршыняй у развіцці атэльнай сферы. Добрай дарогі, прыемных уражанняў, "Новы шаўковы шлях — новая мара". І ўсім журналістам "Сіньхуа" новых мар пра добрыя міратворчыя здзяйсненні, пра супольнае і мірнае развіццё ўсіх краін!
Сяргей Шычко.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».