Стала вядома пра новыя тарыфы на паслугі па правядзенні дзяржаўнага тэхнічнага агляду транспартных сродкаў на дыягнастычных станцыях УП «Белдзяжагляд». Яны ўступілі ў сілу з 1 верасня.
Згодна з прэйскурантам, зараз правядзенне дзяржаўнага тэхнічнага агляду па тыпах транспартных сродкаў складае наступныя сумы. За легкавы аўтамабіль з рухавіком, які працуе на бензіне, з колавай формулай 4х2 — 160 тысяч рублёў (і надалей будзе ўказвацца тарыф з падаткам на дабаўленую вартасць), за легкавы аўтамабіль на бензіне, але з колавай формулай 4х4 — 170 тысяч рублёў. Правядзенне дзяржтэхагляду легкавога аўтамабіля з рухавіком, які працуе на дызельным ці газавым паліве, з колавай формулай 4х2 — 165 тысяч рублёў, з колавай формулай 4х4 — 180 тысяч рублёў. За аўтобус з тэхнічна дапушчальнай агульнай масай не больш за 5 тон давядзецца ўнесці 213 тысяч, а за аўтобус з тэхнічна дапушчальнай агульнай масай больш за 5 тон — 300 тысяч рублёў. Правесці дзяржтэхагляд прычэпа з тэхнічна дапушчальнай агульнай масай не больш за 0,75 тоны будзе каштаваць 59 тысяч рублёў, а прычэпа ці паўпрычэпа з тэхнічна дапушчальнай агульнай масай больш за 3,5 і не больш за 10 тон — 117 тысяч рублёў. За тэхагляд матацыкла, мапеда і квадрацыкла давядзецца, адпаведна, унесці 83 тысячы, 66 тысяч і 103 тысячы рублёў.
Правядзенне асобных відаў кантрольна-дыягнастычных работ пры паўторным праходжанні дзяржаўнага тэхнічнага агляду з 1 верасня наступныя. Праверка тармазной сістэмы аўтамабіля (акрамя легкавога аўтамабіля з колавай формулай 4х4) — 63 тысячы рублёў (зноў жа указваецца тарыф з падаткам на дабаўленую вартасць), праверка тармазной сістэмы легкавога аўтамабіля з колавай формулай 4х4 — 77 тысяч рублёў. Замер дымнасці адпрацаваных газаў будзе каштаваць 50 тысяч рублёў, замер таксічнасці адпрацаваных газаў — 44 тысячы. Праверка сумарнага люфту ў рулявым упраўленні абыдзецца ў 30 тысяч рублёў, праверка стану элементаў падвескі ці рулявога прывода — у 31 тысячу, знешніх светлавых прыбораў — у 36 тысяч, ступені святлопрапускання шкла — у 31 тысячу, герметычнасці агрэгатаў і сістэм — у 30 тысяч, праверка знешняга выгляду і камплектацыі — у 31 тысячу рублёў.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.