У школах Гомельскай вобласці ў гэтым навучальным годзе за парты селі 145 тыс. вучняў. Гэта на дзве тысячы больш, чым летась
213 вучняў, 29 з якіх — першакласнікі, увайшлі 1 верасня ў поўнасцю адноўленую сярэднюю школу №4 у горадзе Калінкавічы. Гэта адна з самых старых устаноў адукацыі на Гомельшчыне, заснаваная яшчэ ў канцы XІX стагоддзя.
Рэканструкцыя гэтаму будынку, які быў здадзены ў 1935 годзе, была проста неабходная, і яе ажыццявілі на працягу двух папярэдніх гадоў. Маштабны рамонт каштаваў амаль Br22 млрд, выдаткаваных з абласнога бюджэту. Такія сродкі дазволілі не толькі прывесці будынак у адпаведнасць з патрабаваннямі бяспекі, але і стварыць максімальна камфортныя ўмовы для навучальнага працэсу. Адноўлены дах, драўляныя перакрыцці, унутраныя сцены і падмуркі пад іх; зроблены мантаж сетак водаправода, каналізацыі, цеплатрасы і іншае. У класах — самае сучаснае абсталяванне, як, дарэчы, і ў новым харчблоку. Тэрыторыя школы знаходзіцца пад кантролем камер відэаназірання, а на ўваходзе ўсталявана электронная прапускная сістэма.
Старшыня Гомельскага аблвыканкама Уладзімір Дворнік на ўрачыстай лінейцы ў сярэдняй школе №4 Калінкавічаў павіншаваў школьнікаў, настаўнікаў і бацькоў з Днём ведаў. Напярэдадні кіраўнік рэгіёна наведаў Гомельскі дзіцячы дом, дзе ўручыў выхаванцам, якія пойдуць у першы клас, школьныя ранцы з пісьмовымі прыладамі.
Ірына АСТАШКЕВІЧ.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.