Творчы конкурс малюнкаў «Мой школьны аўтобус» аб'явілі Банк развіцця Рэспублікі Беларусь і Міністэрства адукацыі. Мэта конкурсу — прыцягнуць да распрацоўкі лагатыпа аўтобуса яго юных пасажыраў.
Да ўдзелу ў конкурсе дапускаюцца дзеці і падлеткі ва ўзросце ад 5 да 17 гадоў. Малюнкі могуць быць фарматаў А3 і А4, выконвацца на любым матэрыяле (ватмане, кардоне, палатне) і ў любой тэхніцы малявання. Выкарыстанне выяўленчых сродкаў таксама ніхто не абмяжоўвае.
Але ёсць адна ўмова: малюнкі павінны суправаджацца слоганам — лаканічнай фразай, якая лёгка запамінаецца і перадае сутнасць сацыяльнай праграмы «Школьны аўтобус». Конкурс праводзіцца ў два этапы. Да 10 кастрычніка ўдзельнікі могуць накіроўваць свае работы поштай на адрас Банка развіцця Рэспублікі Беларусь з абавязковай пазнакай «На конкурс дзіцячага малюнка» або даставіць іх самастойна. Пераможца будзе вызначацца ў другім этапе шляхам інтэрнэт-галасавання на сайце банка, якое пройдзе з 17 па 31 кастрычніка.
Пераможцы і фіналісты конкурсу будуць узнагароджаны дыпломамі і прызамі, якія прадаставіць Банк развіцця. Пераможцу чакае ноўтбук, а фіналістаў — планшэты.
Надзея НІКАЛАЕВА
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.