Факты неэфектыўнага выкарыстання бюджэтных сродкаў выяўлены Камітэтам дзяржкантролю Гродзенскай вобласці ў ходзе аналізу выканання дзяржаўнай комплекснай праграмы развіцця бульбаводства, агародніцтва і пладаводства.
У 2005 годзе на ўмацаванне матэрыяльна-тэхнічнай базы СВК «Жукоўшчына» Дзятлаўскага раёна выдзелілі зваротную бюджэтную пазыку на набыццё камбінаванага агрэгата для сяўбы насення агароднінных культур коштам 25 мільёнаў рублёў. Аднак ужо тры гады кааператыў гэтую тэхніку не эксплуатуе з-за адсутнасці насеннепровадаў.
У тым жа 2005 годзе дзяржава фінансава падтрымала і племзавод «Рось» Ваўкавыскага раёна, які за грошы абласнога бюджэту набыў у германскай фірмы машынакамплект мабільнай дажджавальнай устаноўкі коштам 11550 еўра. А яшчэ 2800 еўра затрацілі на пакупку трактарнага помпавага агрэгата. Якая ж аддача? Гэтае абсталяванне па прычыне яго некамплектнасці (адсутнічаюць воданапорныя палівачныя рукавы) прадпрыемствам не выкарыстоўваецца. Акрамя таго, выяўлены парушэнні працэдуры дзяржаўных закупак.
Матэрыялы праверак Камітэт дзяржкантролю перадаў у праваахоўныя органы для прававой ацэнкі дзеянняў службовых асоб.
Барыс ПРАКОПЧЫК.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.