Імя пераможцы — партугальскі «Порту». Клуб з традыцыямі, які, па вялікім рахунку, уваходзіць у тузін наймацнейшых камандаў Еўропы. На сваім полі, стадыёне «Драгаў», партугальцы літаральна знішчылі нашага чэмпіёна і адправілі ў вароты Сяргея Чэрніка 6 мячоў! Такога ліха ў еўракубкавых баталіях БАТЭ не было даўно...
Пасля кваліфікацыйных раўндаў, дзе барысаўчане сустракаліся з камандамі прыкладна аднаго ўзроўню, беларусы натрапілі на сапраўднага футбольнага драпежніка. Пірэнейцы ў кожным кампаненце гульні былі на галаву вышэйшыя за саперніка. Хлопцы Хулена Лапатэгі прадэманстравалі футбол, у які ў Беларусі, на жаль, не гуляюць, аднак да якога трэба імкнуцца. Безумоўна, не трэба ўсю адказнасць за разгром перакладаць на плечы варатара Сяргея Чэрніка, дзякуючы памылцы якога партугальцы адкрылі лік у матчы. Калі на табло гараць балючыя лічбы 0:6, наўрад ці вінаваты толькі галкіпер. Але кіснуць у гэтай сітуацыі нікому не трэба. У падапечных Аляксандра Ермаковіча ёсць яшчэ 5 паядынкаў групавой стадыі, каб даказаць і сабе, і ўсім, што падобныя паражэнні — выпадковасць і не больш за тое.
Аляксандр ЕРМАКОВІЧ, галоўны трэнер барысаўскага БАТЭ:
— Не вельмі хочацца размаўляць аб гэтым матчы. Было цяжка чакаць добры вынік у гэтай сустрэчы. Праўда, лічу, падрыхтаваліся вельмі добра. Ведалі, што едзем гуляць да класнай каманды. Хачу выбачыцца перад балельшчыкамі. Спадзяюся, такое больш не паўторыцца. Правядзём работу над памылкамі і ў наступным хатнім матчы пастараемся зрабіць усё магчымае, каб дамагчыся добрага выніку.
Ліга чэмпіёнаў. Групавы этап. 1-ы тур. Група А. «Алімпіякас» (Грэцыя) — «Атлетыка» (Іспанія) — 3:2, «Ювентус» (Італія) — «Мальмё» (Швецыя) — 2:0. Група В. «Ліверпуль» (Англія) — «Лудагорац» (Балгарыя) — 2:1, «Рэал» (Іспанія) — «Базэль» (Швейцарыя) — 5:1. Група С. «Манака» (Францыя) — «Баер» (Германія) — 1:0, «Бенфіка» (Партугалія) — «Зеніт» (Расія) — 0:2. Група D. «Галатасарай» (Турцыя) — «Андэрлехт» (Бельгія) — 1:1, «Барусія» (Германія) — «Арсенал» (Англія) — 2:0. Група Е. «Рома» (Італія) — ЦСКА (Расія) — 5:1, «Баварыя» (Германія) — «Манчэстэр Сіці» (Англія) — 1:0. Група F. «Барселона» (Іспанія) — АПАЭЛ (Кіпр) — 1:0, «Аякс» (Галандыя) — ПСЖ (Францыя) — 1:1. Група G. «Чэлсі» (Англія) — «Шальке-04» (Германія) — 1:1, «Марыбор» (Славенія) — «Спортынг» (Партугалія) — 1:1. Група Н. «Порту» (Партугалія) — БАТЭ (Беларусь) — 6:0, «Атлетык» (Іспанія) — «Шахцёр» (Украіна) — 0:0.
Тарас ШЧЫРЫ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.