У сталічнай гімназіі №19 з 2010 года дзейнічае дзіцяча-дарослы праект «Перасядзь на ровар»
Школьнікі ў рамках гэтага праекта ўдзельнічаюць у велапрабегах, прапагандуюць здаровы лад жыцця і штогод уносяць сваю лепту ў арганізацыю Дня без аўтамабіля. Гэты год для гімназіі стаў характэрным, паколькі на тэрыторыі адкрылі адразу дзве велапаркоўкі; адна з іх крытая, пры яе ўсталёўцы выкарыстоўваліся тэхналогіі, якія дазваляюць захаваць каранёвую сістэму раслін. Дарэчы, карыстацца гэтымі паркоўкамі змогуць не толькі навучэнцы, але і жыхары горада.
Адкрыццё велапарковак стала сапраўдным святам, які, апроч адміністрацыі Фрунзенскага раёна і Мінпрыроды, наведала і заслужаны майстар спорту Рэспублікі Беларусь, бронзавы прызёр Алімпійскіх гульняў у Афінах, 8-разовая чэмпіёнка свету па веласпорце, дырэктар Беларускай федэрацыі веласіпеднага спорту Наталля Цылінская. Вучням малодшых класаў аб карысці перамяшчэння на веласіпедзе распавядалі касцюміраваныя героі Маша і Мядзведзь. Само ўрачыстае адкрыццё паркоўкі выйшла не зусім звычайным: замест разразання стужачкі дырэктар гімназіі Анатоль Мураўёў, кіраўнік адміністрацыі Фрунзенскага раёна Барыс Васільеў і Наталля Цылінская заехалі на паркоўку і пакінулі на ёй ровары.
Сяргей Нікановіч.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».