Пра гэта расказаў намеснік міністра працы і сацыяльнай абароны насельніцтва Аляксандр Румак. Сярод мерапрыемстваў, што ўваходзяць у праграму тыдня, — і традыцыйны ўрачысты прыём ва ўрадзе шматдзетных жанчын, якія рэалізаваліся таксама як прафесіяналы і сацыяльна актыўныя грамадзяне, а таксама сустрэчы прадстаўнікоў галіновых міністэрстваў з жанчынамі, занятымі ў сферах сельскай гаспадаркі, спорту, салдацкімі маці, ветэранамі; і ўручэнне ў Мінску і кожнай вобласці ордэнаў Маці тым беларускам, хто нарадзіў і выхоўвае 5 і больш дзяцей; і выставы дзіцячых малюнкаў, творчыя конкурсы вершаў, песень і апавяданняў пра маму; і ўшанаванне маці ў працоўных калектывах, установах адукацыі.
Так, у дзіцячых садках на гэтым тыдні адбудуцца святочныя канцэрты, прысвечаныя маці; у школах і гімназіях ладзяцца сустрэчы, напрыклад, з маці таленавітых дзяцей, якія падзеляцца з іншымі бацькамі сакрэтамі выхавання; у ВНУ краіны пройдуць мерапрыемствы, скіраваныя на ўмацаванне маладых сем'яў. Акрамя таго, як расказала прэс-сакратар Міністэрства адукацыі Беларусі Юлія Ваніна, сёлета ўпершыню ў Мінску, Гродзенскай і Гомельскай абласцях створаны спецыяльныя валанцёрскія атрады, у склад якіх увайшлі найбольш дасведчаныя, актыўныя і нераўнадушныя жанчыны-маці. Валанцёры праводзяць ва ўстановах адукацыі факультатыўныя заняткі з дзецьмі і моладдзю па праграме здаровага ладу жыцця.
«Пытанні мацярынства і дзяцінства займаюць адно з цэнтральных месцаў у сацыяльнай палітыцы нашай дзяржавы, — падкрэсліў Аляксандр Румак. — Адпаведная сістэма падтрымкі сем'яў з дзецьмі дзейнічае на ўсіх этапах, пачынаючы яшчэ з моманту цяжарнасці будучай мамы, і ўзмацняецца з нараджэннем кожнага наступнага дзіцяці. Мяркую, у тым ліку дзякуючы гэтай падтрымцы нараджальнасць у Беларусі, пачынаючы з 2001 года, павялічваецца».
Дарэчы, пасля жнівеньскай нарады ў кіраўніка дзяржавы, дзе абмяркоўваўся сярод іншых пытанняў праект сямейнага капіталу «Вялікая сям'я», Міністэрства працы і сацыяльнай абароны распрацавала і накіравала ва ўрад праект указа аб дадатковых мерах падтрымкі сем'яў з дзецьмі. Пры гэтым улічваліся як прапановы беларускіх спецыялістаў, так і вопыт замежных дзяржаў — Расіі, краін Паўднёва-Усходняй Азіі. Аднак канкрэтныя тэрміны падпісання гэтага дакумента яшчэ невядомыя.
5 цікавых фактаў да Дня маці
Дзень маці, які прыпадае на розныя даты, адзначаецца ў больш як 50 краінах свету, у тым ліку Бахрэйне, Індыі, Мексіцы, Саудаўскай Аравіі. У Беларусі ён супадае з праваслаўным святам Пакрова Прасвятой Багародзіцы — 14 кастрычніка. 3 1996 года яно адзначаецца на дзяржаўным узроўні.
Сёння ў падтрымку сем'ям, якія выхоўваюць дзяцей, паводле заканадаўства, прызначаецца 10 відаў дзяржаўных дапамог: у сувязі з нараджэннем першага, другога і наступных дзяцей, па доглядзе дзіцяці да 3 гадоў, адрасныя сацыяльныя дапамогі, бясплатнае дзіцячае харчаванне, паслугі няні пры нараджэнні дваіх і больш дзяцей і г.д. Сістэмай дзяржаўных дапамог у Беларусі ахоплена звыш 370 тысяч дзяцей.
Летась у нашай краіне больш як 117 тысяч жанчын сталі мамамі — гэта, дарэчы, максімальная лічба за апошнія 20 гадоў. Сёлета ж за першае паўгоддзе свет убачылі ўжо звыш 57 тысяч немаўлят, прычым больш як у палове выпадкаў гэта другія і наступныя дзеці ў сям'і.
За мінулы год і першую палову гэтага ў Беларусі не зарэгістравана ніводнага (!) выпадку мацярынскай смяротнасці, а ўзровень смяротнасці сярод немаўлят застаецца адным з самых нізкіх сярод еўрапейскіх краін — каля 3-3,5 на 1000 народжаных дзяцей. (Прыкладна такія ж паказчыкі ў Аўстрыі, Бельгіі, Францыі, Нідэрландах, а, напрыклад, у Расіі ён складае больш як 7 выпадкаў на 1000 народжаных.)
У Беларусі сёння прыкладна 70 тысяч шматдзетных сем'яў. Лідзіруе ў гэтай прыемнай статыстыцы Брэсцкая вобласць (тут пражывае больш як 16 тысяч вялікіх сем'яў).
Вікторыя ЦЕЛЯШУК
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!