Рэспубліканскі конкурс мастацкага чытання на кітайскай мове ўпершыню пройдзе ў БДУ. Яго арганізатарам выступілі кафедра кітайскай філалогіі БДУ і Пасольства Кітайскай Народнай Рэспублікі ў Беларусі. Удзельнікамі творчых спаборніцтваў могуць стаць студэнты любых ВНУ.
Чытальнікам трэба будзе прадэкламаваць класічныя мастацкія творы або творы ўласнага сачынення. У распараджэнні канкурсантаў будуць ад дзвюх да пяці хвілін. За гэты час ім давядзецца прадэманстраваць майстэрства выразнага чытання, а таксама акцёрскія і аратарскія здольнасці. Выступленне можа суправаджацца аўдыёвізуальнымі матэрыяламі.
Заяўкі на конкурс прымаюцца да 15 лістапада — на электронны адрас phyl@bsu.by і khmelnіckіNN@bsu.by. Само мерапрыемства адбудзецца 25 лістапада на філалагічным факультэце БДУ.
Надзея НІКАЛАЕВА.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.