Шматлікія даследаванні паказалі: газіроўка спрыяе развіццю атлусцення. Аказалася, рэгулярнае ўжыванне газаваных напояў не толькі ўплывае на метабалізм, але і паскарае старэнне клетак, паведамляе Thе Tіmеs оf Іndіа. Вядома, што працягласць жыцця залежыць ад даўжыні целамераў, размешчаных на канцах храмасом у клетках.
Даследчыкі з Каліфарнійскага ўніверсітэта абследавалі 5309 чалавек ва ўзросце ад 20 да 65 гадоў, якія не пакутавалі ад дыябету і сардэчна-сасудзістых захворванняў. Добраахвотнікі ў 1999–2002 гг. бралі ўдзел у апытанні на тэму здароўя. Целамеры былі карацейшымі ў людзей, якія ўжывалі шмат газіроўкі. Штодзённае спажыванне 0,5 літра газаваных напояў дадавала да ўзросту клетак 4,6 года. Гэта параўнальна з уздзеяннем курэння на арганізм. Прыкладна на столькі ж падаўжалі жыццё рэгулярныя трэніроўкі. Кароткія целамеры былі звязаны з рызыкай развіцця дыябету, некаторых відаў раку і сардэчна-сасудзістых захворванняў.
Канцэрт для дзяцей і моладзі, пластычны спектакль Ягора Дружыніна і «Рок-панарама».