Падапечныя Уладзіміра Жураўля зарабілі першы бал у групавой стадыі Лігі Еўропы. Сустрэчу з «Генгамам» многія чакалі з аптымізмам. Аўтсайдар французскага першынства выглядаў тым сапернікам, адбіраць балы ў якога было цалкам верагодна.
І матч таксама прадэманстраваў, што перамагаць сціплых французаў было магчыма. Аднак моманты «Дынама» так і не завяршыліся галявымі ўдарамі. У выніку — 0:0 і першы бал дынамаўцаў у Лізе Еўропы.
— Мы правялі неблагі матч. Яго можна занесці ў актыў, — прызнаўся пасля сустрэчы Уладзімір Журавель, галоўны трэнер «Дынама». — Наша каманда хоць і заваявала першы бал, але поўнага задавальнення няма. Нам не хапіла аднаго трапнага ўдару.
Група К. 3-і тур. «Дынама» — «Генгам» (Францыя) — 0:0, ПАОК (Грэцыя) — «Фіярэнціна» (Італія) — 0:1.
Турнірнае палажэнне каманд: «Фіярэнціна» — 9, «Генгам» — 4, ПАОК — 3, «Дынама» — 1.
Тарас ШЧЫРЫ.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».