Чаму беларускіх цымбалістаў любяць у Еўропе?
Каб гэта зразумець, трэба схадзіць на канцэрт у Белдзяржфілармонію 28 кастрычніка, які мае назву «Віртуозы цымбалаў».
Віртуозаў цымбалаў Беларусь нарадзіла насамрэч шмат. Многія жывуць сёння за межамі нашай краіны, іх творчасць там вельмі запатрабаваная — шмат канцэртаў, выступленняў. Нават для некаторых нашых цымбалістаў замежныя кампазітары спецыяльна пішуць творы. Вось і музыканты Аляксандра Дзенісеня і Міхаіл Лявончык акурат паспяваюць з замежных гастроляў, каб у галоўнай канцэртнай зале краіны разам з Нацыянальным акадэмічным народным аркестрам Беларусі імя Жыновіча сыграць сола на цымбалах. Выхаванец Беларускай акадэміі музыкі, лаўрэат міжнародных конкурсаў Міхаіл Лявончык сёння — адзін з самых вядомых канцэртуючых цымбалістаў Еўропы, цяпер працягвае навучанне ў кансерваторыі імя Рыхарда Штрауса ў Мюнхене. Маладая «зорачка» Аляксандра Дзенісеня — таксама лаўрэат міжнародных конкурсаў. Акрамя таго, яна яшчэ была фіналісткай конкурсу маладых музыкантаў «Еўрабачанне‑2012».
Ларыса ЦІМОШЫК
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.