Нацбанк адмяніў пастанову аб усталяванні платы за эквайрынг ніжэй за тарыфы на інкасацыю.
“Мы сутыкнуліся з непрыняццем гэтага падыходу, -- заявіў намеснік старшыні праўлення Нацыянальнага банка Сяргей Дубкоў. -- З прычыны таго, што простыя задачы па развіццю безнаяўных разлікаў мы ўжо вырашылі. У той жа час, мы маем сумесны план урада і Нацыянальнага банка, які ўзгоднены з усімі удзельнікамі, – банкамі, прадпрымальніцкімі аб’яднаннямі, міжнароднымі арганізацыямі, органамі дзяржкіравання. Многае з яго ўжо выканана. Напрыклад, паглядзіце, які прагрэс мы маем з плацежнай сістэмай БЕЛКАРТ, якая раней была на правах беднага сваяка, а цяпер займае ганаровае месца сярод плацежных сістэм. Было прынята рашэнне, што плацежныя тэрміналы павінны быць практычна ў кожным суб’екце гаспадарання. І шмат чаго іншага. А у плане ёсць пытанні, якія цяпер трэба вырашаць. Скажам, з выплатай заработнай платы на картку. Мы разам з банкамі прааналізавалі звесткі і атрымалася, што толькі 28,1% кліентаў пералічваюць грашовыя сродкі на банкаўскую плацежную картку ў межах зарплатных праектаў. 14% кліентаў прымяняюць змешаную форму. Выплаты з наяўных, якія паступілі ў касу, -- 57,9%. Атрымліваецца, што 2/3 эканомікі выплачвае зарплату наяўнымі. Як тады будуць развівацца безнаяўныя разлікі? Людзі не пойдуць сабе самі рабіць карткі”.
Цалкам матэрыял чытайце ў адным з бліжэйшых нумароў "Звязды".
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
