Беларуская сталіца рыхтуецца прымаць восьмы міжнародны турнір па хакеі сярод юніёрскіх камандаў «Кубак Прэзідэнцкага спартыўнага клуба». Упершыню гэтыя спаборніцтвы прайшлі ў 2007 годзе. За гэты час турнір стаў вельмі прэстыжным як у нашай краіне, так і за яе межамі, а яго былыя ўдзельнікі ўжо гуляюць за клубы НХЛ, КХЛ, а таксама за дарослыя зборныя сваіх краін.
Нязменнымі ўдзельнікамі спаборніцтваў з'яўляюцца каманды Расіі і Беларусі. У розныя гады да гэтых зборных далучаліся каманды з іншых краін. Сёлета, напрыклад, разам з беларускімі і расійскімі хакеістамі на мінскі лёд выйдуць іх равеснікі з Латвіі і Славакіі. Пераможцу турніру вызначаць па кругавой сістэме.
Першымі на пляцоўку «Чыжоўка-Арэны» выйдуць зборныя Расіі і Латвіі. Матч-адкрыццё адбудзецца 6 лістапада. Галоўныя прэтэндэнты на трафей — каманды Беларусі і Расіі. Менавіта гэтыя дзве зборныя сем разоў дзялілі паміж сабой перамогу ў спаборніцтвах. Пяць разоў трыумфатарамі станавіліся расіяне (2007, 2010—2013 гг.) і двойчы — беларусы (2008-2009 гг.).
Штогод краіны-ўдзельніцы імкнуцца прывезці ў Мінск наймацнейшых гульцоў, бо для камандаў «Кубак Прэзідэнцкага спартыўнага клуба» — важны этап падрыхтоўкі да галоўных міжнародных стартаў сезона. Менавіта таму за гады свайго існавання спаборніцтвы сталі вельмі папулярнымі як у нашай краіне, так і за яе мяжой.
Прыходзьце падтрымаць сваю каманду!
Дарына ЗАПОЛЬСКАЯ.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.