У Беларускім дзяржаўным універсітэце створаны вышэйшы прадстаўнічы орган студэнцкага самакіравання — Асамблея БДУ. Для Белдзяржуніверсітэта — гэта гістарычная падзея, паколькі ўдзелу студэнтаў у кіраванні адукацыйным працэсам надаецца афіцыйны статус.
Дзейнасць Асамблеі БДУ дазволіць найбольш поўна выкарыстоўваць патэнцыял студэнцтва ў сацыяльна-эканамічных пераўтварэннях ВНУ і вырашэнні студэнцкіх праблем. У прыватнасці, пад эгідай Асамблеі будуць функцыянаваць усе грамадскія арганізацыі і органы студэнцкага самакіравання ВНУ. Прыярытэтным напрамкам работы для Асамблеі з'яўляецца абарона правоў студэнтаў, распрацоўка прапаноў па павышэнні якасці адукацыі і развіццё дэмакратычных традыцый студэнцтва. Асамблея будзе прадстаўляць інтарэсы студэнтаў перад органамі кіравання ўніверсітэта, выкладчыцкім корпусам, грамадскімі і дзяржаўнымі арганізацыямі.
Надзея НІКАЛАЕВА.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».