Беларускі саюз архітэктараў праводзіць VІІІ Рэспубліканскі конкурс дыпломных праектаў сярод выпускнікоў вышэйшых і сярэдніх спецыяльных навучальных устаноў, якія рыхтуюць спецыялістаў у галіне архітэктуры, архітэктурнага дызайну і інтэр'ера. Выстава конкурсных работ адкрылася ўчора ў рэспубліканскім Доме архітэктараў.
Для моладзі конкурс — гэта магчымасць прадэманстраваць самыя смелыя архітэктурныя рашэнні. Да слова, рамкі конкурсу пастаянна пашыраюцца. У гэтым годзе ў ім удзельнічаюць ужо 119 маладых архітэктараў — выпускнікі 8 ВНУ і 5 сярэдніх спецыяльных навучальных устаноў. Прадстаўлены ўсе архітэктурныя школы.
Творчыя спаборніцтвы праходзяць у 10 намінацыях: «Горадабудаўніцтва», «Архітэктура жылых будынкаў», «Архітэктура грамадскіх будынкаў», «Архітэктура вытворчых аб'ектаў», «Сельская архітэктура», «Рэканструкцыя будынкаў», «Ландшафтная архітэктура», «Архітэктурны дызайн», «Дызайн гарадскога асяроддзя» і «Дызайн інтэр'ера».
Пераможцы конкурсу будуць абвешчаны 14 лістапада.
Надзея НІКАЛАЕВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.