Курэнне мае невялікі станоўчы эфект: лёгкі заспакаяльны. Але дзе таму курцу разабрацца, якой жорсткай будзе расплата — парушэнні ў рабоце ўсіх аддзелаў мозга з-за татальнага спазму дробных сасудаў, жудасны дэфіцыт вітаміну С і іншыя наступствы.
Кожная цыгарэта «спальвае» ў арганізме 100 мг вітаміну С, які і без таго ў ежы сучасных людзей у катастрафічным дэфіцыце. З-за гэтага краваточаць дзясны падчас чысткі зубоў, людзі схільны да прастуд, ломкімі становяцца пазногці і косці, што не дзіўна, паколькі «арматура» любога органа і касцей, у прыватнасці, — бялок калаген, які без вітаміну С паўнацэнным не бывае. Адсюль і варыкозы, апусканне органаў (уключаючы жаночы бюст), анеўрызмы, раннія маршчыны, наогул нізкі імунітэт.
Вітамін С патрэбен і для сінтэзу гармонаў актыўнасці: адрэналіну, норадрэналіну і дафаміну. Гэта якраз тыя рэчывы, што даюць бляск у вачах і тое, што называецца «драйв».
Урачы-пульманолагі выдатна ведаюць, што ва ўсіх курцоў абавязкова развіваецца хранічны бранхіт — у бронхах пастаянна адбываецца запаленчы, інакш кажучы, гнойны працэс. А гэты «запаленчы бруд» пастаянна паступае ў кроў... Што і казаць, само сабой, курцы хварэюць часцей за іншых і жывуць менш.
— Пазбавіць чалавека ад курэння сапраўды вельмі складана, — расказвае ўрач-псіхатэрапеўт Мінскага гарадскога клінічнага псіхіятрычнага дыспансера Уладзіслаў ІВАНОЎСКІ. — Жаданне змяншаецца па сінусоідзе: ад падзення да пад'ёму на працягу двух гадоў. І гэта трэба вытрымаць! Значна аблягчае задачу адцягванне ўвагі і сіл на якія-небудзь заняткі, змена асяроддзя. Гэта не дазваляе пачаць курыць рэфлекторна, па звычцы. Дапамагчы могуць і штодзённыя вялікія фізічныя нагрузкі. Падчас іх у арганізме выпрацоўваецца проста безліч рэчываў, якія рэгулююць яго работу, а ўсякія шлакі выходзяць так хутка, што гэта можна назваць рэвалюцыяй без усякіх нацяжак.
Пазбавіцца ад любой залежнасці вельмі складана. Нездарма многія шчыра думаюць, што немагчыма наогул. Такое вылечванне можна лічыць сапраўдным подзвігам. Працаваць у прынцыпе цяжка, а над сабой — удвая. Асабліва пастаянна. Бо ад сябе ніяк не ўцячэш, паўзу не возьмеш.
У такой справе пажаданай будзе дапамога псіхатэрапеўта. Ёсць сэнс падабраць спецыяліста «пад сябе» (урачы таксама людзі са сваім вопытам і звычкамі) — гэта можа быць ваш праваднік і настаўнік, які даруе, падбадзёрыць і накіруе.
Святлана Барысенка
Канцэрт для дзяцей і моладзі, пластычны спектакль Ягора Дружыніна і «Рок-панарама».