Пасля перасадкі расліны павінны актыўна расці і асвойваць каранямі новы субстрат, але, пачынаючы з кастрычніка, лістапада, роставыя працэсы ў раслін запавольваюцца.
У сувязі са зніжэннем асветленасці расліны пераходзяць у стадыю спакою, карані не могуць асвоіць новы субстрат і з-за лішкаў вільготнасці пачынаюць загніваць. Найлепшымі тэрмінамі для перасадкі лічацца вясновыя месяцы: сакавік, красавік і май, а таксама час з сярэдзіны жніўня па верасень.
Калі ж вы не паспелі перасадзіць расліны да канца верасня, то ў гэтым выпадку лепш дачакацца вясны.
Ёсць і іншыя прычыны дрэннага самаадчування раслін у зімовы час.
Большасць з іх цяжка пераносяць сухое паветра, і з-за гэтага ў раслін падсыхаюць краі лістоў. Каб гэтага не адбывалася, іх трэба як мага часцей апырскваць вадой ці ствараць аптымальныя ўмовы росту: ставіць кюветы з вільготным рачным пяском на батарэі ацяплення.
Расліны-сукуленты назапашваюць вільгаць і здольныя лепш пераносіць засуху. У зімовы час такія расліны трэба паліваць абмежавана, каб пазбегнуць загнівання.
Выконваючы гэтыя нескладаныя правілы, вы будзеце заўсёды мець прыгожыя пакаёвыя кветкі.
Ірына Тамковіч
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».