У аспірантуры біялагічнага факультэта БДУ адкрываецца новая спецыяльнасць — «Паразіталогія» (біялагічныя навукі). Навучанне беларускіх, а таксама замежных грамадзян будзе весціся на дзённай і завочнай форме навучання.
Адкрыццё новай спецыяльнасці стала магчымым дзякуючы шматгадовай выніковай навуковай дзейнасці ў галіне паразіталогіі супрацоўнікаў біялагічнага факультэта ўніверсітэта і вучэбна-навуковага цэнтра «Нарачанская біялагічная станцыя» БДУ. Асаблівую ўвагу навукоўцы надаюць барацьбе з цэркарыёзным дэрматытам. Цэркарыёз, якія распаўсюджваюць вадаплаўныя птушкі, надзвычай актуальная праблема для многіх беларускіх і еўрапейскіх вадаёмаў. Плануецца, што маладыя вучоныя будуць праводзіць фундаментальныя даследаванні па біялогіі, фізіялогіі і біяхіміі паразітаў. Практычная значнасць новай спецыяльнасці заключаецца ў распрацоўцы навуковых асноў па барацьбе з паразітамі і захворваннямі, якія яны выклікаюць у чалавека, жывёлін і раслін, што цягне вялікія эканамічныя страты.
Назапашаны навуковы досвед у пытаннях паразіталогіі, а таксама высокакваліфікаваны прафесарска-выкладчыцкі склад дазволіць біялагічнаму факультэту БДУ стаць адным з вядучых навуковых цэнтраў у падрыхтоўцы спецыялістаў вышэйшай кваліфікацыі па спецыяльнасці «Паразіталогія».
Надзея НІКАЛАЕВА.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».