Адкрыццё цэнтра па атамнай энергіі адбылося ў Рэспубліканскім цэнтры інавацыйнай і тэхнічнай творчасці ў Мінску.
Гэта сумесны праект Расійскай дзяржаўнай карпарацыі па атамнай энергіі «Расатам» і Міністэрства адукацыі Рэспублікі Беларусь. Задача цэнтра — інфармаванне насельніцтва ў пытаннях радыяцыйнай бяспекі, атамнай энергетыкі і прафарыентацыя школьнікаў на тэхнічныя спецыяльнасці. Госці змогуць даведацца пра гісторыю і развіццё атамнай галіны, выкарыстанне інавацыйных дасягненняў фізікі, пра перспектывы развіцця энергетыкі і сацыяльна-эканамічнае развіццё Беларусі, якое пацягне за сабой будаўніцтва Беларускай АЭС.
Інфармацыйны цэнтр абсталяваны сучасным мультымедыйным кінатэатрам, які спалучае панарамную ЗD-праекцыю, камп'ютарную графіку і анімацыю, стэрэагук, інтэрактыўныя кансолі і персанальныя маніторы. Праграма для наведвальнікаў цэнтра ўключае мультымедыйныя праграмы, у тым ліку 45-хвілінны мультымедыйны сеанс у жанры віртуальнага спектакля «Свет атамнай энергіі», а таксама некалькі інтэрактыўных віктарын. Дзякуючы сучасным тэхналогіямі ствараецца эфект пагружэння гледача ў віртуальную рэчаіснасць. Праграма сеанса ўніверсальная і разлічана як на школьнікаў ад 8 гадоў, так і на дарослую аўдыторыю. Акрамя асноўнай праграмы, распрацаваны таксама праграмы па астраноміі, прыродазнаўстве і краіназнаўстве на рускай і англійскай мовах.
Да слова, у Расіі створана ўжо 17 інфармацыйных цэнтраў па атамнай энергіі, якія паспяхова функцыянуюць у Маскве, Санкт-Пецярбургу, Екацярынбургу, Смаленску і іншых гарадах. Замежныя інфармацыйныя цэнтры адкрыты ў В'етнаме, Турцыі і Бангладэш.
У мінскім інфармацыйным цэнтры па атамнай энергіі наведвальнікі змогуць пазнаёміцца з прынцыпамі работы беларускай атамнай станцыі, устройствам ахоўных бар'ераў на атамнай станцыі. Тут жа прадстаўлены макеты прамысловай пляцоўкі АЭС і рэактара.
Надзея НІКАЛАЕВА
Канцэрт для дзяцей і моладзі, пластычны спектакль Ягора Дружыніна і «Рок-панарама».