Тэрмін паміж атрыманнем педагогам другой і першай кваліфікацыйнай катэгорыі скарочаны да двух гадоў. Пастановай Міністэрства адукацыі ад 26 лістапада 2014 года ў дзейны парадак правядзення атэстацыі педагагічных работнікаў унесены некалькі важных карэкціровак.
Трэба патлумачыць, што раней педагог, якому была прысвоена другая кваліфікацыйная катэгорыя, толькі праз тры гады мог звярнуцца ў атэстацыйную камісію ўстановы адукацыі па атрыманне першай катэгорыі. А цяпер ён зможа павысіць сваю катэгорыю ўжо праз два гады з дня прысваення папярэдняй кваліфікацыйнай катэгорыі.
Акрамя таго, у выключных выпадках педагагічны работнік па хадайніцтве кіраўніка арганізацыі сістэмы адукацыі, індывідуальнага прадпрымальніка або атэстацыйнай камісіі можа быць дапушчаны да атэстацыі на прысваенне першай кваліфікацыйнай катэгорыі без уліку прысвоенай раней кваліфікацыйнай катэгорыі і стажу працы на пасадзе, па якой ён праходзіць атэстацыю. Але для гэтага патрабуецца згода начальніка ўпраўлення адукацыі аблвыканкама або старшыні Камітэта па адукацыі Мінгарвыканкама.
А са згоды міністра адукацыі педагог можа быць дапушчаны, так бы мовіць, па-за чаргой і да атэстацыі на прысваенне вышэйшай катэгорыі.
Такое рашэнне прынята, каб матываваць педагагічных работнікаў да павышэння прафесійнага ўзроўню, у тым ліку каб падтрымаць таленавітых маладых спецыялістаў і даць ім дарогу.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.