Да свята застаецца яшчэ амаль паўтара тыдня, але тэлеканал АНТ абяцае стварыць гледачам адпаведны настрой загадзя. Пераднавагодні музычна-забаўляльны марафон пачнецца ўжо ў бліжэйшую суботу.
Так, 20 снежня адбудзецца апошні адборачны канцэрт Нацыянальнай музычнай прэміі «Ліра». Зрэшты — сюрпрыз! — ён будзе не апошнім. Дадатковы выпуск, складзены з самых яркіх нумароў удзельнікаў, і шанц падтрымаць любімых выканаўцаў чакайце 27 снежня.
Таксама 20 снежня гранд-фіналам завершыцца чарговы сезон інтэлектуальнага клуба «Што? Дзе? Калі?» у Беларусі» і вызначыцца ўладальнік Вялікай хрустальнай савы. Усім аматарам мудрагелістых і каверзных задачак для розуму глядзець абавязкова. Таксама прыхільнікам інтэлектуальных гульняў варта не прапусціць фінал «Брэйн-рынга» — апошнія гульні ІІІ чэмпіянату свету па гэтай гульні, у якім удзельнічалі 25 камандаў з 6 краін, у тым ліку з Беларусі, пройдуць 28 снежня.
Традыцыйнае падвядзенне вынікаў года на айчыннай эстрадзе адбудзецца падчас вялізнага канцэрта «Песня года», які выйдзе ў эфір у дзвюх частках, 25 і 26 снежня. А ўвечары 26 снежня вырашыцца яшчэ адна інтрыга, якая трымала ля экранаў пэўнае кола гледачоў цягам апошніх месяцаў — пройдзе фінал музычнага шоу «Голас».
Вікторыя ЦЕЛЯШУК.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.