Усе буйныя беларускія банкі ўводзяць тэрміновы гарантаваны ашчадны ўклад з механізмам індэксацыі рублёвых зберажэнняў пры змяненні абменнага курса беларускага рубля, паведамілі БЕЛТА ў Нацбанку.
"Гэта зробіць зберажэнні ў нацыянальнай валюце абароненымі ад курсавых рызык і павысіць іх прывабнасць у параўнанні з замежнай валютай", - падкрэслілі ў Нацбанку.
Акрамя таго, Нацыянальным банкам павышаны да 50 працэнтаў гадавых працэнтныя стаўкі па пастаянна даступных і двухбаковых аперацыях падтрымкі ліквіднасці банкаў. "Гэта, у сваю чаргу, прывядзе да прапарцыянальнага павелічэння ставак па дэпазітах у нацыянальнай валюце", - адзначылі ў Нацбанку.
Адначасова робяцца больш строгімі падыходы да правядзення грашова-крэдытнай палітыкі для абмежавання росту грашовай масы і павелічэння кошту грошай. Так, банкам рэкамендавана не дапускаць да 1 лютага 2015 года нарошчвання крэдытнага партфеля ў беларускіх рублях і не змяняць валюту грашовых абавязацельстваў пазычальнікаў па крэдытных дагаворах.
"Прынята рашэнне аб непрымяненні да банкаў мер нагляднага рэагавання за невыкананне з 18 снежня 2014 года да 1 студзеня 2015 года патрабаванняў пастановы праўлення Нацыянальнага банка ад 22 красавіка 2014 года нумар 260 "Аб максімальным памеры працэнтных ставак па аперацыях банкаў па прадастаўленні грашовых сродкаў (крэдытаў) юрыдычным асобам - рэзідэнтам Рэспублікі Беларусь", - праінфармавалі ў Нацбанку.
Гэтыя і іншыя прынятыя меры дадуць магчымасць павысіць прывабнасць зберажэнняў у беларускіх рублях, збалансаваць валютны рынак ва ўмовах павышанага попыту на замежную валюту і не дапусціць росту спекуляцыйных настрояў.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
