Па выніках новага рэйтынгу лепшых універсітэтаў краін Еўропы і Цэнтральнай Азіі, якія развіваюцца, БДУ ўвайшоў у ТОП-50.
Новы рэйтынг вядомага брытанскага QS заснаваны на аналізе дзевяці крытэрыяў: акадэмічная рэпутацыя, рэпутацыя сярод працадаўцаў, суадносіны колькасці студэнтаў да колькасці супрацоўнікаў прафесарска-выкладчыцкага саставу, доля запрошаных выкладчыкаў з іншых краін, доля замежных студэнтаў, доля супрацоўнікаў з навуковай ступенню, эфектыўнасць інтэрнэт-рэсурсаў, колькасць апублікаваных артыкулаў на аднаго супрацоўніка і частата цытавання артыкулаў. Гэты рэйтынг ахоплівае 30 краін: Албанію, Арменію, Азербайджан, Беларусь, Боснію і Герцагавіну, Балгарыю, Харватыю, Чэхію, Эстонію, Венгрыю, Грузію, Казахстан, Косава, Кыргызскую Рэспубліку, Літву, Латвію, Македонію, Малдову, Чарнагорыю, Польшчу, Румынію, Расію, Сербію, Славакію, Славенію, Таджыкістан, Туркменістан, Турцыю, Узбекістан і Украіну.
Сярод 368 універсітэтаў, чыя дзейнасць была прааналізавана, БДУ заняў 38-е месца. А ўзначаліў рэйтынг Маскоўскі дзяржаўны ўніверсітэт імя Ламаносава. За ім размясціўся Карлаў універсітэт (Чэхія), які падзяліў другое месца з Новасібірскім дзяржаўным універсітэтам. Акрамя Белдзяржуніверсітэта, у рэйтынгу прадстаўлена яшчэ адна беларуская ўстанова — Беларускі дзяржаўны нацыянальны тэхнічны ўніверсітэт, які трапіў у групу ВНУ, што займаюць з 61-й па 70-ю пазіцыю.
Надзея НІКАЛАЕВА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.