З 27 па 30 студзеня пройдзе 50-ты «Зорны паход» студэнтаў і выкладчыкаў БДПУ па месцах баявой і працоўнай славы беларускага народа, прысвечаны 70-годдзю Перамогі савецкага народа ў Вялікай Айчыннай вайне.
Найлепшыя студэнты педагагічнага ўніверсітэта ў складзе 6 інтэрнацыянальных зводных атрадаў (150 студэнтаў і выкладчыкаў) пройдуць па тэрыторыі Асіповіцкага раёна Магілёўскай вобласці, Глыбоцкага раёна Віцебскай вобласці, Смаргонскага і Ашмянскага раёнаў Гродзенскай вобласці, Жодзінскага і Салігорскага раёнаў Мінскай вобласці. Да «Зорнага паходу» далучацца таксама 12 студэнтаў Маскоўскага гарадскога педагагічнага інстытута і студэнты з Туркменістана, Казахстана і Кітая.
Падчас паходу студэнты і выкладчыкі сустрэнуцца з ветэранамі Вялікай Айчыннай вайны, акажуць ім шэфскую дапамогу, пакладуць кветкі да помнікаў салдатам, што загінулі ў гады вайны, выступяць з канцэртамі ў школах раёнаў, правядуць прафарыентацыйныя сустрэчы са старшакласнікамі, арганізуюць майстар-класы і спартыўныя спаборніцтвы.
Ідэя правядзення «Зорных паходаў» нарадзілася ў 1966 годзе, калі студэнты Мінскага педагагічнага інстытута (так называўся БДПУ імя Максіма Танка да 1993 года) узялі ўдзел ва Усесаюзным паходзе моладзі па месцах рэвалюцыйнай, баявой і працоўнай славы савецкага народа. Стартавалі атрады ў розных населеных пунктах, а фінішавалі адначасова ў адным месцы. Схема такога маршруту на карце па форме падобная да зоркі, адсюль і назва паходу «Зорны».
Надзея НІКАЛАЕВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!