Салата з селядца з кукурузай
Спатрэбіцца: селядзец (салёны) — 1 шт., цыбуля рэпчатая — 1 шт., яблык — 1 шт., кукуруза (кансерваваная) — 100 г, бульба (вараная) — 4 шт., арэхі грэцкія — 50 г., аліўкі зялёныя — 12 шт., маянэз — 100 г, каньяк — 1 ст. лыжка, кроп.
Спачатку прыгатуем запраўку. Яблык пачысцім і нарэжам на невялікія кавалачкі. Змяшаем маянэз і каньяк, дададзім яблык, змяшаем і пакінем на 30 хвілін. Нарэзаць бульбу, аліўкі, селядзец, цыбулю. Арэхі здрабніць. Змешваем у місцы бульбу, арэхі, цыбулю, аліўкі, кукурузу. Запраўляем прыгатаваным соусам. Змешваем, выкладваем на талерку, зверху — кавалачкі селядца. Упрыгожыць дробна нарэзаным кропам.
Печыва «Грыбочкі»
Спатрэбіцца: мука — 3 шклянкі, масла — 230 г, цукровая пудра — 150 г, яйка — 2 шт., ванілін — 1 г, крухмал — 150 г, разрыхляльнік цеста — 10 г, какава-парашок — 3 ст. лыжкі.
Масла змяшаць з цукровай пудрай і ўзбіць. У сумесь дадаць яйкі, ванілін і зноў узбіць. Затым дадаць крухмал, разрыхляльнік, узбіць. Прасеяць муку і замясіць цеста. Падзяліць яго на маленькія кавалачкі і скатаць з іх калабкі.
Бляху заслаць паперай для выпечкі і выкласці калабкі. У міску высыпаць какаву. Рыльца бутэлькі намачыць вадой і акунуць у какаву. Націснуць рыльцам бутэлькі на паверхню кожнага калабка. Вось такія атрымліваюцца нарыхтоўкі. Духоўку нагрэць да 200 градусаў і выпякаць пячэнне 15 хвілін.
Прыхватка
Часта аказваецца, што вашы прыхваткі знаходзяцца ў розных канцах кухні, калі вам трэба ўзяць якую-небудзь пасудзіну дзвюма рукамі. Але гэтая праблема вельмі лёгка вырашаецца!
Неабходныя матэрыялы: два кавалкі тканіны 20х80 см, чатыры квадратныя кавалкі 20х20 см для рукавічак, дзве палоскі 7,5х20 см для аблямоўкі і адзін кавалак 10х10 см для гафтачкі; кавалкі тэрмаўстойлівага сінтэпону для пракладкі — адзін кавалак 20х80 см і два кавалкі 20х20 см. Яшчэ трэба з паперы зрабіць выкрайку закругленага краю прыхваткі. Раскладзіце на працоўнай паверхні сінтэпон, заднюю дэталь добрым бокам угору, пярэднюю дэталь добрым бокам уніз. Прыкаліце шпількамі выкрайку закругленага краю і акуратна выражце. Тое ж зрабіце і з супрацьлеглым краем. Дэталі для рукавічак складзіце па дзве, праклаўшы паміж імі сінтэпон, і выражце з аднаго боку закруглены край.
Прышыйце паласу 7,5х20 см добрым бокам да ўнутранага прамога краю пярэдняй часткі рукавіцы. Змясціце дэталь з сінтэпону паміж двума кускамі тканіны кожнай рукавіцы, адштабнуйце на машынцы па неапрацаваным краі. Астатнюю частку апрацуйце аблямоўкай.
Пакладзіце на працоўную паверхню спачатку сінтэпон асноўнай дэталі, затым зверху пярэднюю дэталь з палатна добрым бокам уверх. Пасля пакладзіце на кожны край па гатовай рукавіцы. Сфастрыгуйце ўсё разам. Для гафтачкі кавалак тканіны 10х10 см сагніце напалову па дыяганалі добрым бокам унутр. Зрабіце шво, адступіўшы адзін сантыметр ад сагнутага краю. Адрэжце лішнюю тканіну на адлегласці 5 мм ад шва. Выверніце на добры бок. Сагніце гафтачку напалову і прыфастрыгуйце ў патрэбным месцы.
Складзіце два кавалкі тканіны галоўнай дэталі разам добрым бокам адзін да аднаго. Сфастрыгуйце іх, пакінуўшы прыблізна 15-сантыметровую адтуліну на доўгім краі, процілеглым таму, на якім ёсць гафтачка. Адштабнуйце вакол усёй прыхваткі. Выверніце выраб на добры бок праз адтуліну. Адштабнуйце, каб яе закрыць.
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.