У аўторак пад уплывам вільготнай паветранай масы месцамі па краіне пройдзе дождж і мокры снег, паведаміла спецыяліст Рэспубліканскага гідраметцэнтра Мінпрыроды Вольга Фядотава.
Максімальная тэмпература паветра ўдзень складзе плюс 2-7 градусаў. У сераду і чацвер да нас завітаюць сур'ёзныя атмасферныя франты з боку Заходняй Еўропы. Менавіта яны прынясуць уначы на сераду ў асобных раёнах, а ўдзень паўсюдна кароткачасовы снег і мокры снег. Такія ападкі будуць гаспадарыць у нас у большасці раёнаў уначы на чацвер і месцамі ўдзень. На асобных участках дарог галалёдзіца. Уначы падмарозіць да 0 — мінус 6 градусаў, а ўдзень чакаецца ўжо ад 0 да 6 цяпла. У пятніцу і суботу надвор'е зноў зменіцца і ападкі чакаюцца ўжо ў выглядзе непрацяглага снегу. Тэмпература паветра ўначы будзе ад 0 да мінус 5 градусаў, а пры праясненнях да 7 марозу. Удзень чакаецца ад 0 да 5 цяпла, а на поўдні да плюс 7 градусаў.
Паводле папярэдніх прагнозаў айчынных спецыялістаў, у нядзелю — на жаночае свята — толькі па паўночным захадзе краіны чакаецца ўжо кароткачасовы дождж. Месцамі ўдзень будзе нават параўнальна цёпла і сонечна. Тэмпература паветра ўначы ад 0 да мінус 7 градусаў, удзень — 2-9 цяпла.
Сяргей КУРКАЧ.
Фота Анатоля КЛЕШЧУКА.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.