У Беларусі выбудавана сістэма маладзёжнай палітыкі, заявіў сёння старшыня Савета Рэспублікі Міхаіл Мясніковіч у ходзе цырымоніі ўручэння нацыянальных пашпартоў 14-гадовым беларусам, арганізаванай у час акцыі БРСМ "Мы - грамадзяне Беларусі!", перадае карэспандэнт БЕЛТА.
Міхаіл Мясніковіч, у прыватнасці, звярнуў увагу на маладзёжную палітыку, якая праводзіцца ў краіне. "У гэтай сферы выбудавана цэлая сістэма. На рэалізацыю праграмы маладзёжнай палітыкі накіроўваюцца бюджэтныя сродкі, дзейнічаюць спецыяльныя фонды. Пры гэтым ствараюцца роўныя ўмовы для рэалізацыі патэнцыялу ўсіх таленавітых маладых людзей", - адзначыў ён.
Пры гэтым Міхаіл Мясніковіч выказаў меркаванне, што моладзь не заўсёды ў поўнай меры выкарыстоўвае магчымасці, якія прадастаўляюцца дзяржавай. "Аб'ёмы падтрымкі, безумоўна, будуць нарастаць, але хацелася б, каб маладыя людзі сапраўды скарысталіся прадастаўленымі магчымасцямі для гарманічнага развіцця асобы з улікам грамадзянскай пазіцыі і сваёй ролі ў грамадстве", - сказаў ён.
Старшыня верхняй палаты парламента, уручаючы пашпарты, таксама дадаў, што гэта стала добрай традыцыяй напярэдадні Дня Канстытуцыі.
У сваю чаргу першы сакратар ЦК ГА "БРСМ" Андрэй Белякоў, звяртаючыся да падлеткаў, адзначыў: "Вы нарадзіліся ў суверэннай дзяржаве і да 14 гадоў ужо дабіліся пэўных поспехаў - у творчасці, спорце, грамадскай дзейнасці, а нехта нават займаецца парламентарызмам (удзельнічае ў рабоце маладзёжнага парламента. - Заўвага БЕЛТА). Для нас вельмі важна, каб вы свае навыкі, веды прымнажалі і ўносілі ў агульную скарбонку перамог. Таму што каму, як не моладзі, сваёй працай, сваімі поспехамі прыносіць карысць краіне?!"
Пашпарты грамадзян Рэспублікі Беларусь уручаны сёння ў Савеце Рэспублікі выдатнікам вучобы, удзельнікам навукова-практычных канферэнцый, пераможцам і прызёрам рэспубліканскіх спаборніцтваў, фестываляў, конкурсаў, прадметных алімпіяд. У падарунак хлопцы і дзяўчаты атрымалі маляўнічае выданне "Я - грамадзянін Рэспублікі Беларусь", дзе выкладзены асноўныя артыкулы Канстытуцыі, сабрана інфармацыя аб асноўных заканадаўчых актах і іншыя пазнавальныя матэрыялы.
У гэтым годзе мерапрыемствы акцыі "Мы - грамадзяне Беларусі", ідэйным натхняльнікам якой з 2004 года выступае Беларускі рэспубліканскі саюз моладзі, праходзяць з 11 па 15 сакавіка і прымеркаваны да Дня Канстытуцыі. Усебеларуская патрыятычная акцыя прадаўжае адкрыты дыялог "Моладзь Беларусі: традыцыі і будучыня".
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».