Дзень адчыненых дзвярэй пройдзе ў Беларускім дзяржаўным педагагічным універсітэце 28 сакавіка.
Падчас мерапрыемства абітурыентам і іх бацькам будзе дадзена магчымасць сустрэцца з кіраўніцтвам БДПУ, выкладчыкамі, студэнтамі, вядомымі выпускнікамі ўніверсітэта, пераможцамі конкурсу «Настаўнік года Рэспублікі Беларусь»... Наведвальнікі атрымаюць вычарпальную інфармацыю пра ўмовы паступлення і засялення ў інтэрнаты БДПУ. Кожны ахвотны зможа задаць пытанне, якое яго цікавіць, і атрымаць кампетэнтны адказ.
Пра маладзёжныя праекты, насычанае культурнае і спартыўнае жыццё ўніверсітэта гасцям раскажуць самі студэнты БДПУ. Наведвальнікі змогуць азнаёміцца з мультысэрвісным інфармацыйным адукацыйным асяроддзем, створаным ва ўніверсітэце, сучаснымі інтэрактыўнымі класамі, рэпазітарыем, электроннай бібліятэкай, залай рэдкай кнігі, планетарыем, спартыўным комплексам універсітэта. Акрамя таго, перад абітурыентамі выступяць прадстаўнікі ўпраўлення адукацыі Мінаблвыканкама, камітэта па адукацыі Мінгарвыканкама і раённых аддзелаў адукацыі.
Ва ўніверсітэце чакаюць як старшакласнікаў і выпускнікоў навучальных устаноў, так і тых, хто хоча атрымаць другую вышэйшую адукацыю альбо прайсці перападрыхтоўку па спецыяльнасцях педагагічнага профілю.
Мерапрыемства распачнецца ў 11 гадзін раніцы ў галоўным корпусе ўніверсітэта (вуліца Савецкая, 18), у актавай зале.
Надзея НІКАЛАЕВА.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».