Трэці мінскі фестываль моў пройдзе 29 сакавіка на філалагічным факультэце БДУ (вул. К. Маркса, 31).
У гэты дзень будуць прадстаўлены 50 моў свету — рэдкіх і папулярных, сучасных і тых, што выйшлі з выкарыстання. Трэці сезон лінгвістычнага свята пазнаёміць гасцей з мовамі, якія ў папярэднія гады не ўваходзілі ў праграму фестывалю. Сярод іх татарская, армянская, эстонская, мальтыйская, афрыкаанс (дзяржаўная мова ПАР), наваха (мова амерыканскіх індзейцаў), штучныя мовы сіндарын, клінгонская і іншыя.
Прадстаўляць іх будуць студэнты, аспіранты і выкладчыкі філалагічнага факультэта і факультэта міжнародных адносін БДУ, Мінскага дзяржаўнага лінгвістычнага ўніверсітэта, Расійскага дзяржаўнага гуманітарнага ўніверсітэта, а таксама лінгвісты і мовазнаўцы з Масквы і Санкт-Пецярбурга.
Госці змогуць наведаць прэзентацыі — займальныя
40-хвілінныя міні-лекцыі. Асаблівасцю маштабнай акцыі стане праца секцыі па беларусістыцы.
Знаёмства з мовамі распачнецца а 10 гадзіне раніцы, а завершыцца ўвечары музычным сюрпрызам ад групы «Нагуаль».
Прачытаць анонсы прэзентацый і даведацца іх расклад можна на сайце фестывалю моў (http://MіnskLіngFest.by).
Надзея НІКАЛАЕВА.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.