Дэпартаментам фінансавых расследаванняў Камітэта дзяржаўнага кантролю ва ўзаемадзеянні з Дэпартаментам фінансавага маніторынгу спынена дзейнасць аднаго аптовага пастаўшчыка электратэхнічнай прадукцыі беларускім прадпрыемствам.
Спецыялістамі КДК было выяўлена, што 28-гадовы дырэктар сталічнай камерцыйнай арганізацыі, якая займаецца аптовым гандлем электратэхнічнай прадукцыі, у 2013-2015 гадах унёс заведама лжывыя звесткі ў падатковыя дэкларацыі, змясціўшы ў бухгалтарскі ўлік прадпрыемства фіктыўныя дакументы па ўзаемаадносінах з ілжэструктурамі.
— У выніку прадпрыемствам былі заніжаны аб'ёмы падаткаабкладання па падатку на прыбытак і завышаны падатковыя вылікі па падатку на дабаўленую вартасць, гэтым нанесена шкода ў выглядзе нявыплаты ў бюджэт падаткаў на суму больш за 1,6 млрд рублёў, — паведаміў намеснік начальніка аддзела Дэпартамента фінансавых расследаванняў КДК Беларусі Юрый Кардымон.
Дырэктар растлумачыў, што быў уцягнуты ў дадзеную дзейнасць па просьбе свайго знаёмага, які прапанаваў яму скарыстацца паслугамі лжэструктур для мінімізацыі падатковых абавязацельстваў. Ён у 2013-2015 гадах набываў у Расіі электратэхнічную прадукцыю за наяўны разлік, уласным транспартам дастаўляў яе на тэрыторыю Беларусі, дзе пасля рэалізоўваў беларускім суб'ектам гаспадарання.
Для дакументальнага афармлення гаспадарчых аперацый і надання знешняй легальнасці набыцця тавару дырэктар афармляў дакументы на паступленне яго ад ілжэструктур. Пасля на разліковыя рахункі такіх структур ён пералічваў безнаяўныя грашовыя сродкі, якія знімаліся і, за вылікам адпаведнага ўзнагароджання, перадаваліся яму наяўнымі. Віну ва ўхіленні ад выплаты сум падаткаў, збораў падазраваны прызнаў і абавязаўся пакрыць прычыненую шкоду.
Безнаяўны абарот грашовых сродкаў прадпрыемства па ўзаемаадносінах з 16 ілжэструктурамі склаў больш за 6 млрд рублёў, або больш за 55% усіх зробленых прадпрыемствам расходных аперацый. Максімальны тэрмін пакарання, прапісаны санкцыяй часткі 2 артыкула 243 Крымінальнага кодэкса, — пазбаўленне волі да сямі гадоў з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю. Папярэдняе следства па гэтай крымінальнай справе працягваецца.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.