Беларуская фінансавая разведка фіксуе спробы вываду капіталу з Расіі праз Беларусь у трэція краіны на фоне расійскага фінансавага крызісу, паведаміў дырэктар Дэпартамента фінансавага маніторынгу КДК Беларусі Вячаслаў Рэўт у эфіры тэлеканала "Беларусь 1", перадае БЕЛТА.
"Сёння, зразумела, мы вельмі заклапочаны той сітуацыяй, якая адбываецца ў нашых суседзяў. Як толькі пачаўся фінансавы крызіс у Расійскай Федэрацыі, то мы бачым, як нядобрасумленныя грамадзяне спрабуюць праз нашу банкаўскую сістэму выводзіць актывы ў трэція краіны", - паведаміў кіраўнік фінразведкі.
Ён падкрэсліў, што дэпартамент удзяляе шмат увагі спыненню такіх схем "незаконнага руху".
"Мы адсочваем фінансавыя патокі і стараемся ў іх выявіць менавіта тыя аперацыі, якія з'яўляюцца падазронымі і могуць сведчыць пра ўчыненне якіх-небудзь злачынстваў", - таксама адзначыў Вячаслаў Рэўт. Ён дадаў, што ў дэпартамент кожны дзень паступае больш за 400 паведамленняў аб падазроных фінансавых аперацыях.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.