...На адным з расійскіх тэлеканалаў правялі апытанне: хто больш зрабіў для гісторыі — Напалеон ці Банапарт?
Як і варта было чакаць, меркаванні раздзяліліся: большасць рэспандэнтаў палічыла, што першы дзеяч, меншасць — што другі...
Не цяжка ўявіць, колькі было б адказаў на пытанне пра візітоўку сталіцы. Нехта назваў бы ёю помнік на плошчы Перамогі, нехта — Чырвоны касцёл, Тэатр оперы і балета, «вароты» на Прывакзальнай плошчы... Нехта — паштамт.
У дзень свайго шасцідзесяцігоддзя менавіта гэты агульнадаступны помнік архітэктуры па-сяброўску велікадушна (і толькі яму ўласцівымі сродкамі!)... рэкламаваў іншыя. Гэта значыць, што ў «дзень народзінаў», 28 сакавіка, кожны з ахвотных мог задарма атрымаць паштоўкі з відамі сталічных славутасцяў, напісаць на іх колькі цёплых слоў сваім родным ды блізкім і, адпраўляючы, на свае вочы ўбачыць, наколькі істотна ў апошні час змянілася праца пошты. У прыватнасці на тым жа паштамце да паслуг кліентаў і плацежна-даведачныя тэрміналы, і электронная чарга, і абсталяваныя пляцоўкі для чакання, і кваліфікаваныя кадры з аўтаматызаванымі працоўнымі месцамі...
А галоўнае, што ўсё гэта — у помніку архітэктуры — з урачыстымі калонамі, круглай аперацыйнай залай, купалам у форме паўсферы, дэкаратыўнай лепкай, люстрамі, вітражамі... З гадзіннікам, які па-ранейшаму, як 60 гадоў таму, паказвае самы дакладны час у Мінску і многіх гарадах свету.
Валянціна Доўнар
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».