На Глабальным форуме па пытаннях адукацыі і павышэння кваліфікацыі ў Дубаі (Glоbаl Еduсаtіоn аnd Skіlls Fоrum) прайшла першая цырымонія ўзнагароджвання найлепшых настаўнікаў свету. Настаўніцу англійскай мовы з амерыканскага штата Мэн Нэнсі Этвел аб'явілі галоўнай пераможцай.
Нэнсі мае саракагадовы педагагічны стаж і з'яўляецца аўтаркай шэрагу кніг па методыцы выкладання, адна з якіх выйшла накладам у паўмільёна асобнікаў.
Нэнсі Этвел стала піянерам сярод настаўнікаў Амерыкі, прапанаваўшы выкладаць літаратуру ў форме воркшопаў (англ. «майстэрня; семінар, майстар-клас») па чытанні і пісьму. Яе васьмікласнікі штогод прачытваюць каля сарака кніг, што нашмат больш, чым сярэдні паказчык па краіне (ад 6 да 10). Каб распаўсюджваць свае інавацыйныя метады навучання, у 1990 годзе Нэнсі заснавала Цэнтр навучання і выкладання з выдатнай бібліятэкай. У дадатак да ганаровага звання Нэнсі Этвел атрымала 1 мільён долараў. Ужо вядома, што гэтыя грошы педагог укладзе ў развіццё свайго цэнтра.
На галоўны прыз спачатку прэтэндавалі 5 тысяч лепшых педагогаў з розных краін, у паўфінал выйшлі 50, а ў фінале былі прадстаўлены дзесяць найлепшых.
Напрыклад, у фінал прайшла педагог з Камбоджы Фала Неанг. З 1986 года Фала пачала працаваць са сляпымі дзецьмі — у тыя часы яна была дырэктарам школы ў лагеры для бежанцаў. У Камбоджы было прынята лічыць, што сляпыя людзі не здольныя вучыцца, паколькі зграшылі ў мінулым жыцці і таму заслугоўваюць адзіноту. Фала прымусіла грамадства думаць па-іншаму. У сваёй працы яна робіць вялікі акцэнт на гукі і рухі: вучні шмат танцуюць і слухаюць музыку.
Стывен Рытц з ЗША робіць акцэнт на экалагічных магчымасцях школ. Яго вучні стварылі больш за сто садоў, забяспечыўшы школы ежай. На думку выкладчыка, такая мадэль устойлівага развіцця школы можа быць паўторана дзе заўгодна. Цяпер школы, з якімі працуе Стывен, існуюць, абапіраючыся толькі на свае рэсурсы, а іх вучні вырастаюць сацыяльна адказнымі грамадзянамі.
Прэмія, сродкі на якую выдаткоўвае дабрачынны фонд Vаrkеу Gеms, была заснавана, каб падкрэсліць значэнне прафесіі педагога і павысіць прэстыж прафесіі настаўніка ў грамадстве. Яе ўжо паспелі ахрысціць «Нобелеўскай прэміяй для настаўнікаў».
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.